મોરબીના ઉચી માંડલ ગામ પાસે આવેલ રામેશ્વર ગ્રેનેટોમાં મંગળવારે અમદાવાદના એનજીઓ તેમજ એન્ટી હ્યુમન ટ્રાફિક એક્શન ફોર્સની ટીમે દરોડો પાડ્યો હતો અને બાળ મજૂરોને મજુરી કરતા છોડાવ્યા હતા આ અંગે જે તે વખતે એનજીઓના કમર્ચારી દ્વારા 20 બાળ મજુર પકડાયા હોવાના દાવા કર્યા હતા જોકે પોલીસ મથકમાં માત્ર 9 બાળકો જ મજુરી કરતા મળ્યા હોવાનો ઉલ્લેખ કરવામાં આવ્યો હતો બનાવ અંગે દામિનીબેન વિજયભાઈ પટેલ નામની મહિલાએ ફેક્ટરીના રાજુભાઈ, ગણેશભાઈ,બાપુશિંગ તેમજ શંકરભાઈ વિરુદ્ધ ફરિયાદ નોધાવી હતી.બનાવ અંગે તાલુકા પોલીસે આ અંગે બાળ અને તરુણ કામદાર (પ્રતિબંધ અને નિયમન 1986)અને 2016 સુધારા અનુસાર કલમ ૩ એ 14 મુજબ 4 શખ્સ વિરુધ્દ ગુન્હો નોધી કાયદેસર કાયર્વાહી હાથ ધરી હતી બનાવની વધુ તપાસ પીએસઆઈ વી.બી.કોઠીયા ચલાવી રહ્યા છે