રાજ્યમાં સ્થાનિક સ્વરાજ્ય ચૂંટણીને લઇ વિવિધ વોર્ડ સીમાંકન મતદાર યાદી સહિતના રોટેશન જાહેર થયા બાદ આજે રાજ્ય ચૂંટણી શાખા દ્વારા વિવિધ તાલુકા પંચાયત અને  જિલ્લા પંચાયતના  અઢી વર્ષ માટે પ્રમુખ માટે રોટેશન જાહેર કરવમાં આવ્યા છે જેમાં મોરબી જિલ્લા પંચાયતમાં પ્રથમ વખત આદિવાસી સમાજ માંથી પ્રમુખ પદ મળશે મોરબી  જિલ્લા પંચાયતમાં ગત ટર્મ માં અનુસુચિત જાતિ ના પ્રમુખ પદ માટે રીઝર્વ હોવાથી પ્રમુખ પદ માટે હંસાબેન પારેઘીની વરણી કરવામાં આવી હતી

આ ઉપરાંત મોરબીજિલ્લાની અલગ અલગ પાંચેય તાલુકા પચાયતના પ્રમુખની વાત કરીએ તો મોરબી તાલુકા પંચાયત સામાન્ય વર્ગની  મહિલા માટે અનામત છે ગત ટર્મ સામાન્ય વર્ગ માટે હોવાથી મોરબી તાલુકા પંચાયત ના પ્રમુખ તરીકે અશોકભાઈ દેસાઈ પ્રમુખ પદે રહ્યા હતા આ ઉપરાંત અન્ય તાલુકા પંચાયત સીટની વાત કરીએ તો વાંકાનેર તાલુકા પંચાયત માં ઓબીસી વર્ગ ના સદસ્ય પ્રમુખ બનશે, માળિયા હળવદ અને ટંકારા ત્રણેય તાલુકા પંચાયત સામાન્ય વર્ગના સદસ્ય ને પ્રમુખ પદ માટે જાહેર કરવામાં આવ્યા છે

હવે આગામી દિવસમાં જયારે રાજ્ય ચૂંટણી પંચ દ્વારા ચૂંટણી જાહેર કરે અને નિર્ધારિત સમયમાં ચૂંટણી પૂર્ણ થયે નવા રોટેશન મુજબ વિવિધ પંચાયતના મુખ્ય પદ માટે નિમણુક થશે હવે આ પ્રમુખ પદ ક્યાં પક્ષના ફાળે જશે તે આવનારો સમય જણાવશે