મોરબી તાલુકાના રંગપર (બેલા) ગામ ખાતે રહેતા મુકેશભાઈ માળીની એક વર્ષની દિકરી મીરાબેનનું દુર્ભાગ્યપૂર્ણ મોત થયું હતું.
મળતી માહિતી મુજબ, બાળકી રંગપર(બેલા) ગામની સીમ વિસ્તારમાં આવેલ ખેતરની તલાવડી પાસે રમતી હતી. રમતા રમતા અચાનક પાણીમાં પડી જતા તે ડૂબી ગઈ હતી. ઘટનાની જાણ થતાં પરિવારજનો અને સ્થાનિક લોકો તાત્કાલિક દોડી આવ્યા હતા, પરંતુ બાળકીનો જીવ બચાવી શકાયો નહોતો.
આ બનાવ અંગે મોરબી તાલુકા પોલીસ દ્વારા અકસ્માત મોતની નોંધ કરી વધુ તપાસ હાથ ધરી છે.

