હળવદના રણજીતગઢ ગામની સીમ વિસ્તારમાં આવેલ કાળુભાઈ મોહનભાઈ ચૌહાણની વાડીમાં રહેતા લિહકાભાઇ ઠુંગિયાભાઈ વસાવેની 16 વર્ષીય દીકરી રવિનાબેન રણજીતગઢ ગામની સીમમાં આવેલી કેનાલના કિનારે બેઠી મોબાઇલ ફોન પર વાત કરી રહી હતી. તે દરમિયાન અચાનક મોબાઇલ ફોન કેનાલમાં પડી જતા ફોન કાઢવા જતા સગીરા લપસી પડી અને કેનાલના પાણીમાં ડૂબી જતાં તેનું દુઃખદ મૃત્યુ થયું હતું. આ ઘટનાની જાણ થતા હળવદ પોલીસ તાત્કાલિક ઘટના સ્થળે પહોંચી હતી અને અકસ્માતે મૃત્યુ અંગે નોંધ કરી વધુ તપાસ હાથ ધરી છે.
