મોરબીના સામાકાંઠે આવેલ સો ઓરડી વિસ્તારમાં રહેતા પ્રભાબેન રમેશભાઈ સિચણાદા દ્વારા મોરબી સીટી બી-ડિવિઝન પોલીસ મથકમાં ફરિયાદ નોંધાવવામાં આવી છે.
ફરિયાદમાં જણાવ્યા મુજબ, અગાઉના મનદુખના કારણે આરોપીઓ વિવેક કિશોરભાઈ ધોળકીયા, ગુલાબબેન કિશોરભાઈ ધોળકીયા તેમજ તેમના પરિવારજનો (બધા રહે. સો ઓરડી, મોરબી)એ ફરિયાદી પ્રભાબેન રમેશભાઇ સિચણાદા સાથે ઝઘડો કર્યો હતો. આરોપીઓએ પ્રભાબેનને વારાફરતી ગાળો આપી ઢીકા-પાટુનો માર માર્યો હતો અને જાનથી મારી નાખવાની ધમકીઓ પણ આપી હતી.
આ સાથે, પ્રભાબેનના સાથી રમેશભાઈ સિચણાદાને ઉંધા ધારિયા જેવા હથિયારથી ઈજા પહોંચાડવામાં આવી હોવાનું પણ ફરિયાદમાં ઉલ્લેખાયું છે. આ બાબતે પોલીસે ફરિયાદના આધારે આરોપીઓ વિરુદ્ધ હથિયારબંધ જાહેરનામા ભંગ સહિતની કલમો હેઠળ ગુનો નોંધાવી વધુ તપાસ હાથ ધરી છે.
