રાજ્ય સરકાર દ્વારા તેરા તુજકો અર્પણ નામથી એક મુહિમ ચલાવવામાં આવી રહી છે. જેમાં ખોવાયેલી ચીજ વસ્તુઓને શોધી તેના મૂળ માલિકોને પરત કરવામાં આવે છે, ત્યારે મોરબી સીટી બી-ડીવીઝન પોલીસે જુદા-જુદા વિસ્તારમાં ખોવાયેલ મોબાઈલ ને CEIRના પોર્ટલની મદદથી બી-ડીવીઝનની ટીમ દ્વારા 17 જેટલા મોબાઈલ શોધી કાઢ્યા હતા. જે અલગ-અલગ સમયે ખોવાયેલ હતા. તેને મૂળ માલિકને પરત કરવાનો કાર્યક્રમ યોજવામાં આવ્યો હતો. તેરા તુજકો અર્પણ અંતર્ગત રૂ 3 લાખથી વધુની કિમતના મોબાઈલ મૂળ માલિકને પરત કર્યા હતા.