મોરબીના લાતીપ્લોટ વિસ્તારમાં વરસાદ બાદ જાણે આકાશ માંથી આફત વરસી હોય તેવી સ્થિતિ બની હતી. આ વિસ્તારમાં તમામ કાચા રોડમાં પાની ફસાતા રીતસરનો આખો વિસ્તાર રબડીમાં તરબતર થઇ ગયો હતો અને તેમાં વાહનો ફસાયા હતા. વેપારીઓની હાલાકી બાદ આજે મનપા તંત્રે મેટલ અને કપચી પાથરી કામ ચલાઉ રોડ બનાવ્યો હતો. હવે આ કામ ચલાઉ રોડથી કેટલો સમય કામ ચાલશે? અને કેટલો સમય રાહત મળશે ? તે આવનાર સમય કહેશે
સોમવારે ચોમાસાના પ્રથમ વરસાદમાં એક તરફ લોકોમાટે ખુશીની લ્હેર છવાઈ હતી તો બીજી તરફ મોરબી શહેરના ઇન્ડસ્ટ્રીયલ ઝોન સમાન લાતી પ્લોટમાં જાણે આભમાંથી પાણીની સાથે મુસીબત પણ વરસી હોય તેવી સ્થિતિ બની હતી કારણ કે, વરસાદી પાણીના કારણે કીચડનું સામ્રાજ્ય છવાયું હતું આટલું ઓછું હોય તેમ અગાઉ આ વિસ્તારમાં ભુર્ગર્ભ ગટરના કામ બાદ રોડનું કામ બાકી હોવાથી માટી ભીની થવાના કારણે અંદર બેસી ગઈ હતી અને તેમાં વાહનો ફસાયા હતા આખા દિવસ દરમિયાન જેટલા પણ વાહનો આવતા હતા તે ફસાયા હતા હાલત એટલી ખરાબ હતી કે વાહન કાઢવા આવેલા ક્રેન પણ ફસાઈ ગયા હતા.
