મોરબીના કામધેનુ બાયપાસ પાસે આવેલા ઇન્દ્ર પ્રસ્થ સોસાયટીમાં રહેતાં વેપારી યુવાન દશરથભાઈ સુરેશભાઈ ડાભી ના ભાઈએ જયેન્દ્રએ આ કામેના દિવ્યેશ રબારી પાસેથી બે મહીના પહેલા રૂ.૪૦,૦૦૦/- ઉંચા વ્યાજે નાણા લીધેલ હોય જે રૂપીયાના બદલામાં જયેન્દ્રભાઇએ આરોપી ને રૂ.૩૦,૦૦૦/- પરત આપી દીધેલ હોવા છતા તેની પાસે હજુ રૂ.૮૦,૦૦૦/- ની પઠાણી ઉઘરાણી કરતા હોય જે બાબતેની જાણ દશરથ ભાઈને થતાં દિવ્યેશને ફોન કરી પોતાની લેણી નિકળતી રકમ એક મહીના પછી આપી દેશે તેમ કહેલ પરંતુ તેનીપાસે રૂપીયા ની સગવડ ન થઈ હોવાથી આ કામેના આરોપીનં.૧ ને રૂપીયા આપી શકેલ નહી જે બાબતેનો ખાર રાખી દશરથ ભાઈ. મોરબી નવા બસસ્ટેન્ડે ગયેલ હોય ત્યારે આ દિવ્યેશ રબારી તથા (૨) વિશાલ રબારી એ યુવકને ભુંડી ગાળો આપી ઢીકાપાટુનો મુંઢમાર મારી આરોપી નં.૧ નાએ ફરી.ને જાનથી મારી નાખવાની ધમકી આપી ફરાર થઈ ગયા હતા.બનાવ અંગે યુવાને એ ડિવિઝન પોલીસ મથક ફરિયાદ નોંધાવી હતી જેના આધારે પોલીસે ગુન્હો નોંધી કાયદેસરની કાર્યવાહી હાથ ધરી હતી.
