મુંબઈ: શિવસેનાના સાંસદ સંજય રાઉતની એન્ફોર્સમેન્ટ ડિરેક્ટોરેટ (ED) દ્વારા ધરપકડ કરવામાં આવી છે. ED દ્વારા રાત્રે 12 વાગ્યે આ કાર્યવાહી કરવામાં આવી હતી. ધરપકડ પહેલા સંજય રાઉતની લાંબા સમય સુધી પૂછપરછ કરવામાં આવી હતી. તેને આજે મુંબઈની પીએમએલએ કોર્ટમાં રજૂ કરવામાં આવશે. જ્યાં ED તેને કસ્ટડીમાં લેવાની માંગ કરશે. આ કાર્યવાહી 60 વર્ષીય રાઉત વિરૂદ્ધ પત્રચાલ કૌભાંડ કેસમાં કરવામાં આવી રહી છે. તેમના ભાઈ સુનીલ રાઉતે આરોપ લગાવ્યો છે કે ધરપકડ ખોટી રીતે કરવામાં આવી છે.
આખો દિવસ દરોડા: કેન્દ્રીય ઔદ્યોગિક સુરક્ષા દળ (CISF) સાથે EDના અધિકારીઓ રવિવારે સવારે 7 વાગ્યે ભાંડુપમાં સંજય રાઉતના ઘરે પહોંચ્યા હતા. તેઓએ અહીં દરોડા પાડવાનું શરૂ કર્યું. ટીમે લગભગ 9 કલાક સુધી ત્યાં દરોડા પાડ્યા હતા.જ્યારે શિવસેના સમર્થકોને સંજય રાઉતના ઘર પર દરોડા પાડવાના સમાચાર મળ્યા તો તેઓ ઘરની બહાર સૂત્રોચ્ચાર કરવા લાગ્યા. તમાશો એટલો વધી ગયો કે પડોશીઓએ પોલીસ બોલાવવી પડી.દરોડા દરમિયાન પણ સંજય રાઉતના ટ્વિટર હેન્ડલ પરથી સતત ટ્વિટ કરવામાં આવી રહી હતી. તેણે લખ્યું કે તે શિવસેના નહીં છોડે. તેઓ બાળાસાહેબ ઠાકરેના શિષ્ય છે અને આત્મસમર્પણ કરશે નહીં.
FIR against Sanjay Raut on complaint of woman witness in money laundering case
— ANI Digital (@ani_digital) August 1, 2022
Read @ANI Story | https://t.co/LyeHVm3U6q#Sanjay_Raut #SanjayRautArrested #MoneyLaundering #Shivsena pic.twitter.com/Y6HsdfKWpn
કંઈ ન મળ્યું: સાંજે 5.30 વાગ્યે ED ઓફિસમાં સંજય રાઉતની પૂછપરછ શરૂ થઈ. તેમના ભાઈ સુનીલ રાઉતે જણાવ્યું હતું કે સવારે સાત વાગ્યાની આસપાસ 20-22 અધિકારીઓ સર્ચ વોરંટ લઈને સંજય રાઉતના ઘરે પહોંચ્યા હતા. પરંતુ તેઓને પાત્રા ચાલ કેસ સંબંધિત કોઈ દસ્તાવેજ મળી શક્યા નથી.
