ઉત્તર પ્રદેશમાં વિધાનસભાની ચૂંટણીમાં વિજય વાવટા ફરકાવવા માટે અનેક રાજકીય પક્ષો મોટા દાવ રમી રહ્યા છે. યુપીની રાજકીય લડાઈમાં આગરાની ફતેહાબાદ બેઠક પરથી રૂપાલી દીક્ષિત ચૂંટણી લડી રહી છે. જે બાહુબલીથી ઓળખાતા અશોક દીક્ષિતની પુત્રી છે. અશોક દીક્ષિત જેલમાં આજીવન કેદની સજા કાપી રહ્યા છે. રૂપાલી સમાજવાદી પાર્ટીમાં જોડાતા પહેલા તે ભાજપમાં હતી, પરંતુ 2017માં ટિકિટ ન મળવાને કારણે સમાજવાદી પાર્ટીમાં આવી છે.
હકીકતમાં, જ્યારે રૂપાલી સમાજવાદી પાર્ટીના સુપ્રીમો અખિલેશ યાદવને મળ્યા ત્યારે તેમણે પછી તેણે સપા સુપ્રીમોને કહ્યું કે જો તે જીતશે તો આગામી 5 વર્ષ કેવી રીતે પોતાના મત વિસ્તારમાં વિકાસના કામ કરશે. રૂપાલીએ ઈંગ્લેન્ડની કાર્ડિફ યુનિવર્સિટીમાંથી MBA કર્યું છે. સપા સુપ્રીમોને મળ્યા અને જીત બાદ 5 વર્ષનો પ્લાન જણાવ્યા બાદ અખિલેશ યાદવે રૂપાલીની ટિકિટ ફાઈનલ કરી નાંખી. રૂપાલી કહે છે કે મને અખિલેશ યાદવને મળવા માટે માત્ર 3 મિનિટ મળી હતી. મેં તેને કહ્યું કે તે મને ટીકીટ કેમ આપે. ચૂંટણીમાં મારી જીત બાદ વિસ્તારમાં શું કામ કરી શકીશ એ કહ્યું અને તેમણે પહેલેથી જ જાહેર કરેલા ઉમેદવારની ટિકિટ કાપીને મને તક આપી. રૂપાલીએ ઘણી મોટી કંપનીઓમાં નોકરી પણ કરી છે. તેણે વર્ષ 2016 માં રાજકારણમાં એન્ટ્રી કરી અને વર્ષ 2017 માં ભાજપમાં જોડાઈ ગઈ. અશોક દીક્ષિતની પુત્રી હોવાને કારણે રૂપાલીએ ભાજપમાં જોડાતાં ભારે વિરોધનો સામનો કરવો પડ્યો હતો. 2017માં ભાજપ પાસે ટિકિટ માંગી હતી. જેથી ચૂંટણી લડી શકે.
પરંતુ ટિકિટ ન મળી, જેના કારણે રૂપાલી ચૂંટણી લડી શકી નહીં. આ વખતે સપાએ અગાઉ જાહેર કરેલા ઉમેદવારની ટિકિટ કાપ્યા બાદ રૂપાલીને મેદાનમાં ઉતારી છે. રૂપાલી દીક્ષિત કહે છે કે જો મહિલાઓ રાજકારણમાં આગળ આવશે. તો કદાચ તે સ્થિતિમાં મહિલા વિકાસનો માર્ગ સરળ બની જશે. રૂપાલી કહે છે કે મહિલાઓને તક મળવી જોઈએ. જો ધારો કે મહિલા ઉમેદવાર ચૂંટણી હારી જાય તો પણ પાર્ટીએ તેને ફરીથી ટિકિટ આપવી જોઈએ. આ સાથે ઉમેદવારની એ પણ ફરજ છે કે જીત કે હાર પછી તે પાર્ટી અને જનતાની સાથે ઉભો રહે. રૂપાલી કહે છે કે આ વિધાનસભામાં હું એકમાત્ર મહિલા ઉમેદવાર છું, તેથી મારા માટે યુવાનો અને મહિલાઓનો સાથ મેળવવો સરળ રહેશે.
