સેનાના 74માં રાઇઝિંગ ડે પર, ભારતીય સૈનિકોએ શનિવારે પ્રથમ વખત જાહેરમાં તેમના નવા કોમ્બેટ યુનિફોર્મનું અનાવરણ કર્યું. નવી યુનિફોર્મમાં પેરાશૂટ રેજિમેન્ટના કમાન્ડોએ દિલ્હી કેન્ટના પરેડ ગ્રાઉન્ડ ખાતે આર્મી ડે પર માર્ચ કરી. તેનો વીડિયો સોશિયલ મીડિયા પર ઘણી હેડલાઈન્સ મેળવી રહ્યો છે. આ નવા ડ્રેસને આ વર્ષે ઓગસ્ટ સુધીમાં ભારતીય સેનામાં રજૂ કરવામાં આવે તેવી શક્યતા છે. નવા આર્મી કોમ્બેટ પેટર્ન યુનિફોર્મને નેશનલ ઇન્સ્ટિટ્યૂટ ઓફ ફેશન ટેકનોલોજીની મદદથી 15 પેટર્ન, આઠ ડિઝાઇન અને ચાર ફેબ્રિક વિકલ્પો દ્વારા બનાવવામાં આવ્યો છે.
આ યુનિફોર્મ સૈનિકોને વધુ આરામ આપશે તેમજ ડિઝાઇનમાં એકરૂપતા પણ આપશે. તેને આર્મીની કામની જરૂરિયાતો અને લડાયક પોશાકમાં એકરૂપતાની જરૂરિયાતને ધ્યાનમાં રાખીને ડિઝાઇન કરવામાં આવી છે. સૂત્રોના જણાવ્યા અનુસાર, યુનિફોર્મમાં કેમોફ્લાઝ (એવો રંગ અને પેટર્ન જે બિલકુલ દેખાતો નથી અને છુપાવવામાં મદદ કરે છે) વધુ સારી છે. અમેરિકા સહિત ઘણા દેશોની સેના ડિજિટલ પેટર્નનો ઉપયોગ કરે છે. વર્તમાન યુનિફોર્મમાં શર્ટ પેન્ટની અંદર અને બહારથી બેલ્ટ બાંધવામાં આવે છે. નવા યુનિફોર્મમાં બેલ્ટ અંદરનો અને શર્ટ બહારનો હશે. આર્મી ઓફિસરના કહેવા પ્રમાણે, આનાથી કામ કરવામાં સરળતા રહેશે. કપડાંમાં પણ કેટલાક ફેરફાર કરવામાં આવ્યા છે.
“બે પાયદળ બ્રિગેડ, એક આર્ટિલરી બ્રિગેડ અને દિલ્હી મિલિટરી પોલીસ યુનિટમાં, 150 થી વધુ કર્મચારીઓને લડાયક ગણવેશના 15 સેટ આપવામાં આવ્યા હતા,” સૂત્રોએ જણાવ્યું હતું. શોર્ટલિસ્ટ કરેલ પેટર્ન, ડિઝાઇન અને કાપડના વિવિધ સંયોજનો હતા. તેમના પ્રતિસાદના આધારે, યુનિફોર્મનો અંતિમ પ્રોટોટાઇપ પસંદ કરવામાં આવ્યો છે. અન્ય એક સૂત્રએ જણાવ્યું કે હાલમાં, તમામ કમાન્ડ હેડક્વાર્ટર માટે લગભગ 300 જેટલા મંજૂર પ્રોટોટાઇપ તૈયાર કરવામાં આવી રહ્યા છે, જેથી તમામ જવાનો તેનાથી પરિચિત થઈ શકે. તેમાં 10-20 કસ્ટમ મેડ યુનિફોર્મનો પણ સમાવેશ થાય છે.
