પાકિસ્તાન,શનિવાર
પાકિસ્તાનના વડા પ્રધાન ઇમરાન ખાને શુક્રવારે આશા વ્યક્ત કરી હતી કે દક્ષિણ એશિયન પ્રાદેશિક સહકાર સંગઠન (સાર્ક) સમિટના માર્ગમાં “કૃત્રિમ અવરોધ” દૂર કર્યા પછી તેમનો દેશ સમિટનું આયોજન કરશે. પાકિસ્તાનના વિદેશ કાર્યાલયના જણાવ્યા અનુસાર, ખાને સાર્કના મહાસચિવ ઇસાલા રુવાન વીરાકૂન સાથેની મુલાકાત દરમિયાન આ ટિપ્પણી કરી હતી. વિરાકૂન અહીં વડાપ્રધાનને મળ્યા હતા.
વિદેશ કાર્યાલયે કહ્યું કે, “વડાપ્રધાને પાકિસ્તાનમાં સાર્ક સમિટની યજમાનીની આશા વ્યક્ત કરી છે, એક વખત તેના માર્ગમાં બનાવેલ કૃત્રિમ અવરોધ દૂર થઈ જશે.” SAARC એ અફઘાનિસ્તાન, બાંગ્લાદેશ, ભૂતાન, ભારત, માલદીવ્સ, નેપાળ, પાકિસ્તાન અને શ્રીલંકાનું પ્રાદેશિક જૂથ છે. 2016 થી તે બહુ અસરકારક રહ્યું નથી કારણ કે કાઠમંડુમાં 2014 થી આ દ્વિવાર્ષિક સમિટ યોજાઈ નથી.
પાકિસ્તાનના હાથમાંથી તક કેમ જતી રહી ?
અસલમાં 2016ની સાર્ક સમિટ ઈસ્લામાબાદમાં 15-19 નવેમ્બર, 2016ના રોજ યોજાવાની હતી. પરંતુ તે વર્ષે 18 સપ્ટેમ્બરના રોજ જમ્મુ અને કાશ્મીરના ઉરીમાં ભારતીય આર્મી કેમ્પ પર થયેલા આતંકવાદી હુમલા પછી, ભારતે “હાલની પરિસ્થિતિઓ” ને કારણે સમિટમાં હાજરી આપવાની અસમર્થતા વ્યક્ત કરી હતી. બાંગ્લાદેશ, ભૂટાન અને અફઘાનિસ્તાને પણ ઈસ્લામાબાદમાં યોજાનારી બેઠકમાં ભાગ લેવાનો ઈન્કાર કર્યા બાદ સમિટ મોકૂફ રાખવામાં આવી હતી.
પાકિસ્તાનમાં આતંકવાદ ફેલાયો
વિરાકૂન સાથેની તેમની મુલાકાત દરમિયાન, ખાને પરસ્પર હિતના લક્ષ્યો અને સાર્ક ઘોષણામાં સમાવિષ્ટ ઉદ્દેશ્યો તરફ કામ કરવાની પાકિસ્તાનની પ્રતિબદ્ધતાનો પુનરોચ્ચાર કર્યો હતો. પાકિસ્તાનના વડાપ્રધાન ઈમરાન ખાન દેશને આગળ લઈ જવા, તેનો વિકાસ કરવા અને તેને દુનિયામાં અલગ બતાવવા જેવા નિવેદનો આપે છે. પરંતુ તે પાકિસ્તાનમાં બેઠેલા આતંકવાદીઓ અને સમગ્ર વિશ્વમાં હિંસા ફેલાવનારા પાકિસ્તાની આતંકવાદીઓ વિશે કશું બોલતા નથી. એક દિવસ અગાઉ, પાકિસ્તાનના પદભ્રષ્ટ વડા પ્રધાન નવાઝ શરીફે ટોણો માર્યો હતો કે ઇમરાન ખાનને ભારતમાં ‘કઠપૂતળી’ નેતા કહેવામાં આવે છે કારણ કે તેમને 2018 માં શક્તિશાળી સેના દ્વારા સત્તામાં લાવવામાં આવ્યા હતા
