નવી દિલ્હી,મંગળવાર
ભારત સરકારે નાણાકીય વર્ષ 2020-21 (FY21) માટે વ્યાજ ખાતા ધારકોના ખાતામાં PF નાણા ટ્રાન્સફર કર્યા છે. એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ જણાવ્યું કે અત્યાર સુધીમાં કુલ 22.55 કરોડ ખાતાઓમાં વ્યાજના નાણાં ટ્રાન્સફર કરવામાં આવ્યા છે.ગઇકાલે સોમવારે, EPFOએ એક ટ્વિટ દ્વારા જણાવ્યું હતું કે નાણાકીય વર્ષ 2020-21 માટે, વાર્ષિક 8.50 ટકાના દરે વ્યાજ 22.55 કરોડ ખાતામાં ટ્રાન્સફર કરવામાં આવ્યું છે. તમારું PF એકાઉન્ટ પણ આવી ગયું હશે, જો તમને હજુ સુધી SMS નથી આવ્યા તો તમે તેને ઘરે બેઠા સરળતાથી ચેક કરી શકો છો. આ વખતે EPFOએ PFની રકમ પર 8.5% વ્યાજ આપ્યું છે. શું તમે પણ જાણવા માગો છો કે તમારા PF ખાતામાં પૈસા આવ્યા કે નહીં, તો તમે આ સ્ટેપ ફોલો કરી બેલેન્સ ચેક કરી શકો છો.
1. મિસ્ડ કોલ દ્વારા બેલેન્સ જાણો
તમારા PFના પૈસાની સ્થિતિ ચેક કરવા માટે તમારે તમારા નોંધાયેલા મોબાઈલ નંબર પરથી 011-22901406 પર મિસ કોલ આપવો પડશે. આ પછી તમને EPFOના મેસેજ દ્વારા PFની વિગતો મળશે. અહીં પણ તમારું UAN, PAN અને Adhaar લિંક હોવું જરૂરી છે.
2. ઓનલાઇન બેલેન્સ ચેક કરો
1. ઓનલાઇન બેલેન્સ ચેક કરવા માટે EPFO ની વેબસાઇટ પર લ લોગ ઇન કરો, epfindia.gov.in માં ઇ-પાસબુક પર ક્લિક કરો.
2. હવે તમારી ઇ-પાસબુક પર ક્લિક કરવા પર એક નવું પેજ passbook.epfindia.gov.in પર આવશે.
3. હવે અહીં તમે તમારું યુઝર નામ (UAN નંબર), પાસવર્ડ અને કેપ્ચા ભરો
4. વિગતો ભર્યા પછી તમે એક નવા પેજ પર આવશો અને અહીં તમારે મેંબર આઈડી પસંદ કરવાનું રહેશે.
5. અહીં તમને ઇ-પાસબુક પર તમારું ઇપીએફ બેલેન્સ મળશે.
3. ઉમંગ એપ પર બેલેન્સ આ રીતે ચકાસો
1. આ માટે તમારી ઉમંગ એપ્લિકેશન (Unified Mobile Application for New-age Governance) ખોલો અને EPFO પર ક્લિક કરો.
2. હવે બીજા પેજ પર employee-centric services પર ક્લિક કરો.
3. અહીં તમે ‘વ્યૂ પાસબુક’ પર ક્લિક કરો. આ સાથે તમે તમારો યુએન નંબર અને પાસવર્ડ (ઓટીપી) નંબર દાખલ કરો
4. તમારા રજિસ્ટર્ડ મોબાઇલ નંબર પર ઓટીપી આવશે. આ પછી તમે તમારું પીએફ બેલેન્સ ચકાસી શકો છો.
4. SMS દ્વારા બેલેન્સ તપાસો
જો તમારો UAN નંબર EPFO સાથે નોંધાયેલ છે તો પછી તમે મેસેજ દ્વારા તમારા PF બેલેન્સ વિશેની માહિતી મેળવી શકો છો. આ માટે તમારે 7738299899 પર EPFOHO મોકલવો પડશે. આ પછી તમને મેસેજ દ્વારા PFની માહિતી મળશે. જો તમને હિન્દી ભાષામાં માહિતી જોઈએ છે તો તમારે EPFOHO UAN લખીને મોકલવી પડશે. પીએફ બેલેન્સ જાણવા માટેની આ સેવા અંગ્રેજી, પંજાબી, મરાઠી, હિન્દી, કન્નડ, તેલુગુ, તમિલ, મલયાલમ અને બંગાળીમાં ઉપલબ્ધ છે. પીએફ બેલેન્સ માટે, તમારું યુએન( UAN), બેંક ખાતું, પાન(PAN) અને આધાર (AADHAR) ને લિંક થયેલ હોવું આવશ્યક છે.
