મુંબઈ, સોમવાર
BMC દ્વારા સોનુ સૂદને નોટિસ મોકલવામાં આવી છે. આ નોટિસ સોનુ સૂદને જુહુમાં રહેણાંક મકાનને હોટલમાં બદલવા અને તેમાં ગેરકાયદેસર બાંધકામ કરવા બદલ મોકલવામાં આવી છે. 15 નવેમ્બરે જારી કરાયેલી આ નોટિસમાં સોનુ સૂદને હોટલમાંથી આ છ માળની બિલ્ડીંગને ફરી રહેણાંક મકાનમાં બદલવા માટે કહેવામાં આવ્યું છે.
આ વર્ષની શરૂઆતમાં, બીએમસીએ સોનુ સૂદને તેની જુહુની હોટલને ફરી નિવાસી બિલ્ડીંગમાં ફેરવવા અને ઈમારતમાં થયેલા ગેરકાયદે બાંધકામોને દૂર કરવા કહ્યું હતું. સોનુએ બોમ્બે હાઈકોર્ટમાં BMCની વાત માની હતી. એવું કહેવામાં આવ્યું હતું કે તેઓ પોતે આ ઇમારતનું નવીનીકરણ કરશે. જોકે, BMCની નવી નોટિસમાં કહેવામાં આવ્યું છે કે સોનુએ હજુ સુધી બિલ્ડિંગનું રિનોવેશન કર્યું નથી.BMCની નવી નોટિસમાં સોનુ સૂદને સંબોધીને લખવામાં આવ્યું છે કે, “તમે તમારા પત્રમાં કહ્યું હતું કે તમે બિલ્ડિંગના હાલના 1 થી 6ઠ્ઠા માળે રહેવા/ખાવાની પ્રવૃત્તિ બંધ કરી દીધી છે. તેનો ઉપયોગ સ્વીકૃત આયોજન મુજબ રહેવાસીઓ માટે કરવામાં આવશે. આ સાથે આપે તે જરૂરી કામનો પણ ઉલ્લેખ કર્યો છે.BMC નોટિસમાં આગળ વાંચવામાં આવ્યું છે, “તમે એ પણ ઉલ્લેખ કર્યો છે કે ઉમેરણ/રિપ્લેસમેન્ટ/રિલોકેશન માટે જરૂરી કામ ચાલુ છે. આ ઑફિસ (BMC ઑફિસ) એ 20.10.2021ના રોજ સ્થળનું નિરીક્ષણ કર્યું છે. જેમાં તમે મંજૂર પ્લાન મુજબ કામ શરૂ કર્યું ન હોવાનું જોવા મળે છે.
