નાયકા અને લેટેન્ટ વ્યુ જેવા આઈપીઓમાં કમાણી કરવાથી જો ચૂકી ગયા હોવ તો કમાણીની વધુ એક તક આવી રહી છે. ટૂંક સમયમાં જ ટેગા ઈન્ડસ્ટ્રીઝનો આઈપીઓ માર્કેટમાં આવવાનો છે. હજુ આ આઈપીઓ ખૂલ્યો પણ નથી અને ગ્રે માર્કેટમાં તેની બોલી લગાવવાની શરૂ થઈ ગઈ છે. પેટીએમમાં થયેલા ધોવાણ બાદ હજુ કેટલાક રોકાણકારો આ દિશામાં પૈસા મૂકવાનું ટાળે છે.
ગ્રે માર્કેટમાં ટેગા ઈન્ડસ્ટ્રીના આઈપીઓને તગડું પ્રીમિયમ મળવાની આશા વ્યક્ત કરાઈ રહી છે. તે ઉપરાંત સ્ટાર હેલ્થનો આઈપીઓ પણ આ સપ્તાહે આવી રહ્યો છે. જોકે માર્કેટની સ્થિતિ કેવી રહેશે એ અત્યારે કહી શકાય એમ નથી. ટેગા ઈન્ડસ્ટ્રીઝનો આઈપીઓ લગભગ 619.23 કરોડ રૂપિયાનો હશે. જે 1 ડિસેમ્બરે સબ્સક્રિપ્શન માટે ખૂલશે અને તેના માટે 3 ડિસેમ્બર સુધી બોલી લગાવી શકાશે. હજુ આ આઈપીઓ ખૂલ્યો પણ નથી.
સ્ટાર હેલ્થ 2,000 કરોડ રૂપિયાના મૂલ્યના નવા શેર ઈશ્યૂ કરવાની સાથે જ પ્રમોટર્સ તેમજ હાલના શેરધારકોની પાસેથી 5,83,24,225 ઈક્વિટી શેર્સના વેચાણની ઓફર (ઓએફએસ) કરશે. ખાનગી ક્ષેત્રની વિમા કંપની સ્ટાર હેલ્થે શેર્સની બોલી માટે 870-900 રૂપિયાની કિંમત નક્કી કરી છે.