ન્યુઝીલેન્ડ સામે રમનારી ટીમ ઈન્ડિયાનું એલાન થઈ ચૂક્યું છે. T20 વર્લ્ડકપમાં ગંભીર રીતે પછડાટ લાગ્યા બાદ માત્ર કેપ્ટન પદેથી જ નહીં કેટલાક ખેલાડીઓને પણ રીપ્લેસ કરી દેવામાં આવ્યા છે. ભારતીય ટીમના ભૂતપૂર્વ ઓપનર આકાશ ચોપરાએ ન્યૂઝીલેન્ડ સામેની ત્રણ મેચની સીરિઝ માટે પાંચ ઓપનરોની પસંદગી પર પ્રશ્નો ઉઠાવ્યા છે. આકાશનું એવું માનવું છે કે રોહિત શર્માની ટીમમાં આટલા ઓપનરોને માત્ર ત્રણ મેચમાં સારી તક મળી શકે તેમ નથી. એટલે કે, ત્રણ મેચ માટે પાંચ ઑપનર શા માટે?
આ બાબતોને ખાસ ધ્યાનમાં લેવી જોઈએ. આ સાથે જ તેણે હાર્દિક પંડ્યાને આ રીતે નવી તૈયાર થયેલી ટીમમાંથી બાકાત રાખવા પર ખૂબ નારાજગી વ્યક્ત કરી હતી. જોકે, વર્લ્ડ કપ વખતે પણ હાર્દિક પંડ્યા ટીમને લઈને માથાના દુઃખાવો સાબિત થયો હતો. આ ટુર્નામેન્ટ હજું શરૂ થઈ નથી એ પહેલા પણ હાર્દિકનો મુદ્દો ફરી ચર્ચામાં છે. આકાશ ચોપરાનું એવું માનવું છે કે પીઠની ઈજાને કારણે હાર્દિક પંડ્યા ભૂતકાળમાં પણ ટીમ ઈન્ડિયામાંથી ઘણી તક ચૂકી ગયો છે. આવી સ્થિતિમાં તેને ટીમમાંથી આ રીતે બહાર ન કરવો જોઈએ. તેની યુટ્યુબ ચેનલ પર તેણે કહ્યું, વિરાટ કોહલી, મોહમ્મદ શમી, જસપ્રિત બુમરાહ અને રવિન્દ્ર જાડેજાને આરામ આપવો તે યોગ્ય નિર્ણય છે. પરંતુ હાર્દિક પંડ્યા વિશે શું કહેશો? શું હાર્દિકને ખરેખર આરામની જરૂર છે કે પછી તેને નવી ટીમમાંથી બહાર કરી દેવામાં આવ્યો છે? તે કોઈ ટેસ્ટ ક્રિકેટ નથી રમી રહ્યો. IPLના કોઈ મેચમાં પણ બોલિંગ કરી નથી. છેલ્લી બે T20 વર્લ્ડ કપની મેચમાં તે કંઈ કરી શક્યો ન હતો. આકાશ ચોપરાએ કહ્યું, ન્યુઝીલેન્ડ સામે જાહેર કરાયેલી અમારી ટીમમાં ઘણા ઓપનર છે. આ કરવામાં આવેલી મૂળભૂત ભૂલ છે.
T20 ક્રિકેટમાં આપણે પ્રાપ્ય રહેલા સ્લોટ માટે ખેલાડીઓની પસંદગી કરવી જોઈએ. આઈપીએલના પ્રદર્શનના આધારે પસંદગી કરવી યોગ્ય છે. જો કે શ્રેષ્ઠ ઓપનિંગ બેટ્સમેન 5માં નંબર પર લખાયેલો છે. તો તે તે નંબર પર આટલું સારું પ્રદર્શન કરી શકશે નહીં. અમે ત્રણ મેચની શ્રેણી માટે પાંચ ઓપનર પસંદ કર્યા છે. કેએલ રાહુલ અને રોહિત શર્મા ચોક્કસપણે રમશે. આ સિવાય મોહમ્મદ સિરાજ, રૂતુરાજ ગાયકવાડ, અવેશ ખાન અને હર્ષલ પટેલની પસંદગી સંપૂર્ણ રીતે ઠીક છે. વેંકટેશ ઐય્યરને ટીમમાં લીધો છે પણ તેણે માત્ર સાત મેચ રમેલી છે. અન્ય ચાર ઓપનર પણ ટીમમાં છે. ચેતન સાકરિયા છ મહિના પહેલા શ્રીલંકા સામેની મેચમાં દમદાર પુરવાર થયો હતો.
