મોરબી શહેરના લગધીરપુર રોડ પર આવેલી મેટ્રો સ્ટાર સીરામીક ફેક્ટરીના લેબર ક્વાર્ટરમાં રહેતા 19 વર્ષીય યુવકે અગમ્ય કારણોસર ગળેફાંસો ખાઈ જીવન ટૂંકાવ્યું હોવાની ઘટના સામે આવી છે.
બનાવની પ્રાપ્ત વિગતો મુજબ, મેટ્રો સ્ટાર સીરામીકના લેબર ક્વાર્ટરમાં રહેતા મુકેશકુમાર રાજકુમાર (ઉ.વ. 19)એ ગઈકાલે બપોરના સમયે કોઈ અજાણ્યા કારણોસર ક્વાર્ટરમાં જ ગળેફાંસો ખાઈ આપઘાત કરી લીધો હતો. ઘટનાની જાણ થતાં પોલીસ દ્વારા જરૂરી કાર્યવાહી હાથ ધરવામાં આવી હતી.
આ બનાવ અંગે મોરબી તાલુકા પોલીસે અકસ્માતે મૃત્યુ અંગે નોંધ કરી છે. યુવકે કયા કારણોસર આ પ્રકારનું અંતિમ પગલું ભર્યું તે જાણવા પોલીસે વધુ તપાસ શરૂ કરી છે.


