મોરબી જિલ્લામાં કાયદો અને વ્યવસ્થાની સ્થિતિ કાબુમાં હોવાના રેન્જ આઈજીના દાવાના આગલા દિવસે પોલીસના દાવા પોકળ સાબિત કરતી ઘટના બની હતી માનવતા શરમાવે તેવી આ ઘટના ખરેખર કાયદો અને વ્યવસ્થાની સ્થિતિ માત્ર કાગળ પર સબસલામત હોય તેવો આભાસ કરાવી રહી છે .
મળતી માહિતી મુજબ મોરબી તાલુકાના ગ્રામ્ય વિસ્તારમાં રહેતા અને ખેત મજુરી કામ કરતો એક શ્રમિક પરિવાર આખો દિવસ ખેતરમાં મજુરી કરી પરિવારનું પાલન પોષણ કરી રહ્યું હતું. જોકે આ ગરીબ પરિવાર પર ગત તા 4 ના રોજ અણધારી આફત તૂટી પડી હતી. ગત તા 4 ના રોજ શ્રમિક પરિવાર તેના વાડીમાં આવેલી ઓરડીમાં હતું ત્યારે 5 અજાણ્યા શખ્સ ત્યાં આવી પહોચ્યા હતા. જેમાંથી 4 શ્રમિકને ધમકાવી તેની ઓરડીથી દુર લઇ ગયા હતા જયારે એક શખ્સ ત્યાં રોકાયો હતો અને 2 વર્ષના બાળકની નજર સામે આ લા અજાણ્યા શખ્સે તેની માતા સાથે દુષ્કર્મ આચર્યું હતું અને પોતાની હવસનો શિકાર બનાવી હતી બનાવની સમસમી ગયેલા આ પરિવારે મોરબી તાલુકા પોલીસ મથકમાં અજાણ્યા 5 શખ્સ સામે ફરિયાદ નોધાવી હતી પોલીસે ફરિયાદ આધારે અજાણ્યા શખ્સ વિરુદ્ધ ફરિયાદ નોધી તમામ ની શોધખોળ હાથ ધરી છે
