મોરબીના નાની વાવડી ગામે કેનાલ પાસે ગાયત્રીનગરમાં રહેતા કિશનભાઈ હરીશભાઈ માવદીયા અને તેમના પત્ની ચાંદનીબેન તે બંને GJ-36-AK-6435 નંબરનું બાઈક લઈને ગઈકાલે બપોરના શોમાં પુષ્પા -2 ફિલ્મ જોવા કંડલા બાયપાસ ઉપર આવેલ નેક્સેસ સિનેમા ખાતે જતા હતા. ત્યારે નેક્સેસ સિનેમા સામે રોડની કટ્ટમાંથી સિનેમાં તરફ જવા માટે નીકળતા ત્યારે આરટીઓ કચેરી તરફથી આવેલ GJ-13-AM-5897 નંબરની કારના ચાલકે બાઇકને હડફેટે લેતા કિશનભાઈનું ગંભીર ઇજાઓ પહોંચતા તેનું ઘટના સ્થળે જ કમકમાટીભર્યું મોત નીપજ્યું હતું. જ્યારે તેમના પત્ની ચાંદનીબેનને માથા તેમજ પગના ભાગે ગંભીર ઇજાઓ પહોંચતા પ્રથમ મોરબી હોસ્પીટલમાં અને બાદમાં રાજકોટ ખાનગી હોસ્પિટલમાં સારવારમાં ખસેડવામાં આવ્યા હતા. આ ઘટના મામલે મૃતકના નાના ભાઈ નિમિશભાઈ માવદીયાએ મોરબી તાલુકા પોલીસ મથકમાં તે કાર ચાલક વિરુદ્ધ ફરિયાદ નોંધાવતા પોલીસે ગુનો દાખલ કરી તપાસ હાથ ધરી છે.
