હળવદ તાલુકના ચરાડવા ગામે થોડા સમય પહેલા મહાકાળી આશ્રમમાં ચોરી થઇ હતી, બાદમાં હળવદ પોલીસ મથકમાં આ ચોરી અંગે ફરિયાદ નોધાઇ હતી. જેથી પોલીસે શોધખોળ કરતા આરોપી રાકેશ ઉર્ફે રાજુ રેસીંગભાઈ રાઠવા આ ચોરીમાં ગુનામાં સંડોવાયેલ હોય, બાદમાં પોલીસ પેટ્રોલીંગમાં હોય તે દરમિયાન આરોપી મળી આવતા તેને પકડી પાડ્યો હતો. આરોપીએ આશ્રમ માંથી ચોરી કરી હોવાનું કબુલ કર્યું હતું. આ મામલે તે આરોપી વિરુદ્ધ હળવદ પોલીસે ગુનો નોધી કાયદેસરની કાર્યવાહી હાથ ધરી છે.
