મોરબી નગરપાલિકાના અલગ અલગ વિસ્તારમાં લાંબા સમયથી પીવાના પાણી દુર્ગંધયુક્ત પાણી આવતા હોવાની ફરિયાદ વચ્ચે આજે વોર્ડ 2 મા આવતા વીસીપરા નજીક મદીના સોસાયટીમાં લાંબા સમયથી પીવાના પાણીની સમસ્યાનો સામનો કરી રહ્યા છે.આ વિસ્તારમાં છેલ્લા 2 મહિના કરતા સમયથી દુર્ગંધયુક્ત પાણી આવતું હોય આ બાબતે સ્થાનિક કાઉન્સિલરને રજુઆત કરવા છતાં આજદિન સુધી સમસ્યાઓનો ઉકેલ ન થતા આજે મહિલાઓએ પાલિકા કચેરીમાં હોબાળો કરાયો હતો. મહિલાઓએ સૂત્રોચ્ચાર કરવામાં આવ્યો હતો. જે બાદ મહિલાએ પાલિકા બહાર જ કાઉન્સિલરનો ઉધડો લઈ લીધો હતો. અને તમારૂ પાલિકામાં કાઈ ઉપજતું નથી અધિકારી તમને ગાંઠતા નથી તેમ કહી જાહેરમાં જ ઉધડો લઈ લીધો હતો. દરમિયાન મહિલાઓ સાથે આવેલ અન્ય આગેવાનોએ સ્થાનિક કાઉન્સિલર સાથે ઉગ્ર બોલચાલી થઈ હતી.
