જો કોઈ વ્યક્તિ રસ્તા પર ખોટી રીતે પાર્ક કરેલા વાહનનો ફોટો મોકલશે તો તેને 500 રૂપિયાનું ઈનામ આપવામાં આવશે. સરકાર ટૂંક સમયમાં આવો કાયદો લાવવા જઈ રહી છે. જેમાં ખોટી રીતે પાર્કિંગ કરનાર વાહન માલિકે 1000 રૂપિયાનો દંડ ભરવો પડશે. કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ ગુરુવારે આ માહિતી આપી છે.દિલ્હીમાં એક કાર્યક્રમને સંબોધતા નીતિન ગડકરીએ કહ્યું છે કે તેઓ રોડ પર ખોટી રીતે પાર્ક કરાયેલા વાહનોની વૃત્તિને રોકવા માટે કાયદો લાવવાનું વિચારી રહ્યા છે.
નવો કાયદો લાવીશું
કેન્દ્રીય મંત્રી નીતિન ગડકરીએ કહ્યું છે કે, ‘હું એક કાયદો લાવવા જઈ રહ્યો છું જેમાં કોઈપણ વાહન જે રસ્તા પર ખોટી રીતે પાર્ક કરશે તેના પર 1000 રૂપિયાનો દંડ વસૂલવામાં આવશે. તે જ સમયે, ખોટી રીતે પાર્ક કરેલા વાહનની તસવીર લઈને મોકલનારને 500 રૂપિયા આપવામાં આવશે. કેન્દ્ર સરકાર દ્વારા આ કાયદો અમલમાં આવ્યા બાદ, એવી અપેક્ષા રાખવામાં આવે છે કે ટ્રાફિક જામ અને રસ્તા પરના અકસ્માતોમાં ઘટાડો થશે.સાથે જ દરેક વ્યક્તિ નીતિન ગડકરીની કાર્યશૈલીના વખાણ કરે છે. તેમના મંત્રાલય દ્વારા રસ્તાઓ, એક્સપ્રેસવે અને ફ્લાયઓવરોએ પરિવહનને વધુ સરળ બનાવ્યું છે.
કેન્દ્રીય મંત્રીએ રોડ પર ચાલતા વાહન અંગે જણાવ્યું…
કેન્દ્રીય મંત્રીએ એ વાત પર દુઃખ વ્યક્ત કર્યું કે લોકો તેમના વાહનો માટે પાર્કિંગની જગ્યા બનાવતા નથી. તેના બદલે તેઓ તેમનું વાહન રોડ પર પાર્ક કરે છે. બીજી તરફ નીતિન ગડકરીએ હળવાશથી કહ્યું કે, ‘નાગપુરમાં મારા રસોઈયા પાસે પણ બે સેકન્ડ હેન્ડ વાહનો છે. આજે ચાર જણના પરિવાર પાસે છ કાર છે. લાગે છે કે દિલ્હીના લોકો નસીબદાર છે. અમે તેમના વાહનો પાર્ક કરવા માટે રોડ બનાવ્યો છે.
