રાજકોટ નજીકના હીરાસર એરપોર્ટ પાસે બેટી નદીના પૂલ નજીકના લોકો માટે પાણી સંગ્રહ થઇ શકે તે માટે છેલ્લા કેટલાક સમયથી મીની ડેમ બનાવવાની યોજના પર કામ ચાલું છે.
Noc આપી: એરપોર્ટ ઓથીરીટીના સત્તાવાળાઓે આ ડેમ બનાવવા માટે મંજુરી (એનઓસી) આપી દીધી હોવાનું જાણવા મળી રહ્યું છે. રાજકોટ નજીક હીરાસર પાસે ઇન્ટરનેશનલ એરપોર્ટ હજુ શરૂ થયું નથી.
ધારાસભ્યની રજુવાત: અગાઉ આ ડેમ બનાવવા માટે રાજકોટનાં ધારાસભ્ય ગોવિંદભાઈ પટેલે સરકારમાં દરખાસ્ત કરી હતી. અને જે તે સમયે આ ડેમના નિર્માણ માટે મંજુરી પણ મળી જવા પામી હતી. દરમિયાન અત્રે ઇન્ટરનેશનલ એરપોર્ટનો પ્રોજેક્ટ શરુ થતા આ ડેમ એરપોર્ટ ઓથોરીટીની અંડરમાં આવી જતો હતો.
ડેમની કામગીરીમાં બ્રેક: આથી થોડા સમય માટે આ ડેમ નિર્માણની કામગીરી અટકી જવા પામી હતી. દરમિયાન આ ડેમ નિર્માણ માટે એરપોર્ટ ઓથોરીટી પાસે એનઓસી માંગવામાં આવેલ હતી જે એનઓસી તાજેતરમાં જ એરપોર્ટ ઓથોરીટીએ આપી દીધું છે.આથી હવે આ ડેમ નિર્માણની કામગીરી ટૂંક સમયમાં ઝડપથી હાથ ધરાઈ તેવા નિર્દેશો છે.
