એસજી હાઈવે પરના નવા ફ્લાયઓવર પર સ્પીડને કારણે વારંવાર માર્ગ અકસ્માતો બની રહ્યા છે. હવે, શહેર ટ્રાફિક પોલીસે હાઇવે અને આસપાસના વિસ્તારો માટે નવી સ્પીડ મર્યાદા લાગુ કરવામાં આવી છે.
જોઈન્ટ કમિશ્નર ઓફ પોલીસ (ટ્રાફિક) મયંક સિંહ ચાવડાના જણાવ્યા અનુસાર, SG હાઈવે, સરદાર પટેલ રીંગ રોડ, સિંધુ ભવન રોડ અને નરોડા રોડ કે જે હાઈવે ઉપર જાય છે તેના પર ઈન્ટરસેપ્ટર સાથેની આઠ સ્પીડ ગન છુપાવવામાં આવી છે. આ સ્ટ્રેચની સ્પીડ લિમિટ 70 kmph હશે. સ્પીડ ગન દ્વારા ઓવરસ્પીડિંગ કરતા કોઈપણ વાહનને ટ્રેક કરીને ઈ-મેમો દ્વારા દંડ કરવામાં આવશે. પ્રથમ ગુના માટે રૂ. 2,000, બીજા માટે રૂ. 4,000 દંડ થશે અને ત્યારબાદ ડ્રાઇવિંગ લાઇસન્સ સસ્પેન્ડ કરવામાં આવશે.”
ટ્રાફિક વિભાગે જણાવ્યું હતું કે વાહનવ્યવહાર વિભાગના નાયબ નિયામક અથવા સહાયક નિરીક્ષકના રેન્કથી ઉપરના મોટર વાહન વિભાગના અધિકારીઓ અથવા પરિવહન કમિશનરેટમાં વિશેષ ફરજ પરના અધિકારી અતિશય ઝડપે ડ્રાઇવિંગ પર નિયંત્રણ રાખશે. જોખમી ડ્રાઇવિંગ માટે, હેડ કોન્સ્ટેબલના રેન્કથી ઉપરના પોલીસ અધિકારીઓ ચેકપોઇન્ટ પર તૈનાત રહેશે. મોટર વ્હીકલ વિભાગના અધિકારીઓ સામાન્ય વાહનો ચલાવવા માટે ખાસ લાયકાત ધરાવતા લોકો પર પણ નજર રાખશે
