મોરબી જિલ્લાના જેતપર ખેડૂત આંદોલનને વધુ મજબૂતી આપવા માટે તા. 3 જુલાઈના રોજ 6 ગામોની સંયુક્ત બાઈક અને કાર રેલીનું આયોજન કરવામાં આવ્યું છે. ખેડૂત એકતા જિંદાબાદના બેનર હેઠળ યોજાનારી આ રેલીમાં જૂના ઘાટીલા, વેજલપર, ખાખરેચી, કુંભારિયા, વેણાસર અને રોહીશાળા સહિતના ગામોના ખેડૂતો, યુવાનો અને ગ્રામજનો મોટી સંખ્યામાં જોડાશે.
આયોજકોના જણાવ્યા મુજબ રેલી સવારે 8:30 કલાકે જૂના ઘાટીલા ગામેથી પ્રસ્થાન કરશે અને વિવિધ ગામોમાંથી પસાર થઈ જેતપર ખેડૂત આંદોલનને સમર્થન જાહેર કરશે. ખેડૂતોને મોટી સંખ્યામાં જોડાઈ આંદોલનને વધુ મજબૂત બનાવવા અપીલ પણ કરવામાં આવી છે.
