મોરબી સહિત રાજ્ય 34 જિલ્લા પંચાયતની ચૂંટણી જાહેર થયા બાદથી લોકો તેમના ઉમેદવારના નામની રાહ જોઈ રહ્યા હતા દરેક પક્ષ દ્વારા તેમના ઉમેદવારના નામ જાહેર કર્યા હતા અને તા. 11 એપ્રિલ સુધીમાં તમામ ઉમેદવારો દ્વારા તેમના ઉમેદવારી ફોર્મ ભરવામાં આવ્યા બાદ ગત તા. 13ના રોજ તમામ ફોર્મની ચકાસણી કરવામાં આવી હતી અને તેમાં ડમી ફોર્મ તેમજ અધૂરા કે અન્ય ટેકનીકલ ખામી વાળા ફોર્મ રીજેક્ટ કરવામાં આવ્યા હતા, બાકી રહેલા ઉમેદવારમાંથી જે ઉમેદવાર તેના ફોર્મ પરત ખેચવા માંગતા હોય તેવા ઉમેદવારો માટે તા. 15 એપ્રિલના રોજ ફોર્મ પરત ખેચવાની અંતીમ તારીખ ચૂંટણી આયોગ દ્વારા જાહેર કરવામાં આવી હતી. મોરબી જિલ્લા પંચાયતની કુલ ત્રણ બેઠકમાંથી ઉમેદવારી ફોર્મ પરત ખેચવામાં આવ્યા હતા. જેમાં આમરણ બેઠક પરથી આમ આદમી પાર્ટીના ઉમેદવાર હસીનાબેન કાસમભાઈ સુમરા દ્વારા ફોર્મ પાછું ખેચવામાં આવ્યું હતું. આ ઉપરાંત ખાખરેચી બેઠક અને ખાનપર બેઠકના અપક્ષ ઉમેદવારો દ્વારા ફોર્મ પરત ખેચવામાં આવ્યા બાદ હવે ઉમેદવારોનું ચિત્ર સ્પષ્ટથઇ ગયુ છે. મોરબી જિલ્લા પંચાયતની 24 બેઠક માટે આજની સ્થિતિએ 78 ઉમેદવારી ફોર્મ બાકી રહેતા હવે આ તમામ 78 ઉમેદવારો સામે સીધી જંગ ખેલાશે.

મોરબી જિલ્લા પંચાયતની 4 બેઠક પર ભાજપ કોંગ્રેસ વચ્ચે સીધી ટક્કર થશે જયારે 15 બેઠકમાં ભાજપ કોંગ્રેસ અને આમ આદમી પાર્ટીના ઉમેદવારો વચ્ચે ત્રીપાખીયો જંગ ખેલાશે આ સિવાય બાકીની 5 બેઠકમાં ત્રણ પક્ષની સાથે અપક્ષ ઉમેદવાર પણ એડી ચોટીનું જોર લગાવી વધુને વધુ મત મેળવવા પ્રયાસ કરશે.