મોરબી તાલુકા પોલીસ સ્ટેશન વિસ્તારમાં દારૂની અવેધ પ્રવૃત્તિને કાબૂમાં લાવવા અને આગામી સ્થાનિક સ્વરાજ્યની ચૂંટણીઓને શાંતિપૂર્ણ તેમજ ભયમુક્ત વાતાવરણમાં યોજવા માટે પોલીસે સક્રિય પગલાં લીધાં છે.
આ ક્રમમાં દારૂના ગુન્હાઓમાં સંડોવાયેલા વ્યક્તિ વિરુદ્ધ પાસા દરખાસ્ત તૈયાર કરીને મોરબી જિલ્લા મેજિસ્ટ્રેટને મોકલવામાં આવી હતી. જિલ્લા મેજિસ્ટ્રેટ, મોરબીએ આ અરજીને મંજૂર કરીને ત્રાજપર (તા. મોરબી)ના રહેવાસી રવીભાઈ રમેશભાઈ વરાણીયાનું પાસા વોરંટ ઇસ્યુ કર્યું છે.
પોલીસ ઇન્સ્પેક્ટર, મોરબી તાલુકા પોલીસ સ્ટેશનની સૂચના મુજબ સર્વેલન્સ સ્ટાફે અલગ-અલગ ટીમો બનાવીને આરોપીની શોધખોળ કરી આરોપી રવીભાઈ રમેશભાઈ વરાણીયાને પાસા એક્ટ હેઠળ અટકાયતમાં લેવામાં આવ્યો છે. આરોપીને સાબરમતી મધ્યસ્થ જેલમાં પૂર્વે હવાલે કરવાની કાર્યવાહી પણ પૂર્ણ કરવામાં આવી છે.
