HomeGujaratવાંકાનેરમાં દાગીનાનો સોદો કરવાના નામે ગઠીયાઓએ માતા પુત્ર સાથે કરી 5 લાખની...

વાંકાનેરમાં દાગીનાનો સોદો કરવાના નામે ગઠીયાઓએ માતા પુત્ર સાથે કરી 5 લાખની ઠગાઈ

સોનાના ઘરેણા વેચવાના બહાને માતા-પુત્ર સાથે પાંચ લાખ રૂપિયાની ઠગાઈ કરનાર આરોપી સામે પોલીસમાં ફરિયાદ નોંધાઈ છે. આ મામલો વાંકાનેરનો છે, જ્યાં  અમરેલીના વતની  રામકુભાઈ માથાસુરીયા અને બે અજાણ્યા શખ્સે   ફરિયાદી સતીશભાઈ હરસુખલાલ ચારોલીયા અને તેમની માતાને છેતર્યા છે.

ફરિયાદ મુજબ, આરોપી રામકુભાઈએ  સતીશભાઈ હરસુખલાલ ચારોલીયા અને તેમની માતાને સાચા હોલમાર્કવાળા સોનાના અલગ-અલગ ઘરેણાં બતાવ્યા હતા. તેણે તે ઘરેણાં પાંચ લાખ રૂપિયામાં વેચવાનો સોદો કર્યો અને વિશ્વાસમાં લઈ લીધો. પરંતુ બાદમાં આરોપીએ ખોટા, બનાવટી ઘરેણાં આપી દીધા અને રોકડ રકમ ૫,૦૦,૦૦૦/- (પાંચ લાખ રૂપિયા) લઈને ફરાર થઈ ગયો.આ ઘટનામાં આરોપીએ સતીશભાઈ હરસુખલાલ ચારોલીયાની માતા સાથે વિશ્વાસઘાત કર્યો અને છેતરપિંડી તેમજ ઠગાઈનો ગુનો આચર્યો છે. સતીશભાઈ હરસુખલાલ ચારોલીયાએ આરોપી વિરુદ્ધ ગુન્હો નોંધાવ્યો છે, જેમાં વિશ્વાસઘાત, છેતરપિંડી અને એકબીજાને મદદ કરીને ગુનો કરવાનો આરોપ છે.

પોલીસે આ મામલે તપાસ શરૂ કરી છે અને આરોપીને પકડવાના પ્રયાસો હાથ ધર્યા છે. આવા કિસ્સાઓમાં લોકોએ સોના-ચાંદીના વ્યવહારમાં પૂરતી તપાસ કરવી જરૂરી છે, જેથી આવી ઠગાઈથી બચી શકાય.

Advertisement
Advertisement
RELATED ARTICLES

Connected us

21,450FansLike
53,070FollowersFollow
3,710SubscribersSubscribe

TRENDING NOW