મોરબી મહાનગરપાલિકા દ્વારા શહેરના જનકલ્યાણનગર વિસ્તારમાં રહેતા નાગરિકો માટે એક આધુનિક અને સુવિધાસભર ગાર્ડનના નિર્માણની દિશામાં મહત્વપૂર્ણ પગલું ભરવામાં આવ્યું છે. આ પ્રોજેક્ટ માટે અંદાજિત ₹1.95 કરોડના ખર્ચે ટેન્ડર પ્રક્રિયા n-Procure પોર્ટલ પર લાઈવ કરવામાં આવી છે, જેનાથી જલ્દી જ કામગીરી શરૂ થવાની શક્યતા છે.

જનકલ્યાણનગર અને આસપાસના વિસ્તારોના રહેવાસીઓને સ્વાસ્થ્ય, મનોરંજન અને સામાજિક પ્રવૃત્તિઓ માટે આધુનિક સુવિધાઓ પૂરી પાડવાના ઉદ્દેશ્ય સાથે આ ગાર્ડનનું આયોજન કરવામાં આવ્યું છે. પ્રોજેક્ટની મુખ્ય વિશેષતાઓમાં શામેલ છે:

**હેલ્થ અને વેલનેસ ઝોન**
માં જોગિંગ માટે રબરાઈઝ્ડ સર્ફેસ ટ્રેક અને 1.8 થી 2.4 મીટર પહોળાઈવાળા પેવર બ્લોકના વોકવે.
– ઓપન જિમના અદ્યતન સાધનો તથા શાંતિપૂર્ણ વાતાવરણમાં યોગા માટે વિશેષ યોગા પેવેલિયન.
– બાળકો માટે સુરક્ષિત ચિલ્ડ્રન્સ પ્લે એરિયા, જેમાં હિંચકા, સ્લાઈડ, ક્લાઈમ્બર્સ જેવા સાધનો સાથે ઈજા-રોકથામ માટે રેતી અને સેફ્ટી મેટ્સનું ફ્લોરિંગ.
– ભારતીય સંસ્કૃતિને પ્રોત્સાહન આપતું સાંસ્કૃતિક હબ.
– 80-100 વ્યક્તિઓની ક્ષમતાવાળું સ્ટેપ્ડ સીટિંગ એમ્ફીથિયેટર, જે સામાજિક કાર્યક્રમો અને સાંસ્કૃતિક પ્રવૃત્તિઓ માટે ઉપયોગી બનશે.
– વિશાળ સેન્ટ્રલ ગ્રીન ઝોન (લૉન) તથા આકર્ષક વોટર ફીચર્સ સાથે LED લાઈટિંગ ધરાવતા ડેકોરેટિવ ફુવારા.
– કમ્પાઉન્ડ વોલ પર રંગબેરંગી વોલ આર્ટ, સ્થાનિક કલાકારોના શિલ્પો અને આર્ટ ગેલેરી, જે ફોટોશૂટ અને સુંદરતા વધારવા માટે આકર્ષણનું કેન્દ્ર બનશે.

આ ઉપરાંત, ગાર્ડનમાં સ્માર્ટ ઈન્ફ્રાસ્ટ્રક્ચરનો સમાવેશ કરવામાં આવશે, જેમ કે:
– સોલાર હાઈબ્રિડ LED લાઈટિંગ,
– અન્ડરગ્રાઉન્ડ કેબલિંગ,
– વૃક્ષોના ઉછેર માટે ઓટોમેટેડ ડ્રિપ/સ્પ્રિંકલર ઈરિગેશન સિસ્ટમ,
– આરામદાયક બેઠક વ્યવસ્થા,
– ડિઝાઈનર ગેઝેબો,
– RCC/વુડ ફિનિશવાળા આધુનિક બેન્ચ,
– મુલાકાતીઓ માટે અલગ પાર્કિંગ વિસ્તાર જેમાં ઈન્ટરલોકિંગ ટાઈલ્સનો ઉપયોગ.

n-Procure પર ટેન્ડર લાઈવ થતાં જ આ પ્રોજેક્ટની અમલવારી ઝડપી બનશે. આ આધુનિક ગાર્ડનના નિર્માણથી જનકલ્યાણનગર અને આસપાસના વિસ્તારોને સ્માર્ટ સિટીની ઓળખ આપતું અત્યાધુનિક ઈન્ફ્રાસ્ટ્રક્ચર મળશે, જે નાગરિકોને સ્વાસ્થ્ય, મનોરંજન અને સામાજિક જીવન માટે એક નવું આકર્ષણ પૂરું પાડશે. આ પગલું મોરબીના નગર વિકાસમાં એક મહત્વનું યોગદાન સાબિત થશે.