ટંકારા પોલીસ સ્ટાફ નાઇટ રાઉન્ડ પેટ્રોલીંગમાં હોય તે દરમ્યાન પોલીસને ખાનગી રાહે બાતમી મળેલ કે, GJ-07-DG-2192 નંબરની ક્રેટા કાર નેકનામ તરફથી જોધપર ગામ તરફ આવનાર છે. જે ક્રેટા કારમાં ઇંગ્લીશ દારૂનો જથ્થો ભરેલ છે. જે બાતમીના આધારે રેઇડ કરી તપાસ કરતા કારમાંથી અલગ-અલગ બ્રાન્ડની ઇંગ્લીશ દારૂની વ્હીસ્કી/વોડકા બોટલો નંગ- 318 કિ.રૂ.- 1,24,362 તથા કીંગ ફીસર બીયર ટીન નંગ-48 કી.રૂ.- 5,562 અને 2 મોબાઇલ ફોન કુલ રૂ.- 7,39,930ના મળેલ મુદામાલ સાથે પોલીસે બે આરોપી ઉદયસિંહ સહદેવસિંહ ઝાલા અને કુલદિપસિંહ પ્રવિણસિંહ ઝાલાને ઝડપી લઇ પુછપરછ કરતા અન્ય એક ઈસમ યોગીરાજસિંહ ગીરીરાજસિંહ જાડેજાનું નામ સામે આવ્યું હતું. ટંકારા પોલીસે આ ત્રણેય શખ્સો વિરુદ્ધ પ્રોહીબીશન એક્ટ હેઠળ ગુનો નોંધી ધોરણસરની કાર્યવાહી હાથ ધરી છે.
