મોરબી જીલ્લાના હળવદ તાલુકાના રણછોડગઢ ગામે રહેતા ફરિયાદી ભરતભાઇ કેશુભાઈ ડઢૈયાએ ગત તા.21ના રોજ તેઓ તેમના ભાઈ સાગર, પ્રવીણભાઈ અને અનિલભાઈ એમ ચારેય વ્યક્તિ GJ-36-AB-3688 નંબરના બાઇકમાં જઈ રહ્યા હતા. ત્યારે આંદરણા ગામની સીમમાં GJ-36-U-3661 નંબરના રીક્ષા ચાલકે બાઈક સાથે અકસ્માત સર્જતાં બાઈક ચલાવી રહેલા તેમના ભાઈ સાગરભાઈનું ગંભીર ઇજાઓ પહોંચતા ઘટના સ્થળે જ મોત નીપજ્યું હતું. અકસ્માતમાં ભરતભાઇ, પ્રવીણભાઈ તેમજ અનિલભાઈને ઇજાઓ પહોંચી હતી. આ બનાવ અંગે ભરતભાઇ કેશુભાઇ ડઢૈયાએ તે રિક્ષા ચાલક વિરુદ્ધ મોરબી તાલુકા પોલીસ મથકમાં ફરીયાદ નોધાવી છે.