ટંકારા તાલુકાના જોધપર ગામને પાણી આપવા સરકારે બેડીથી જોધપર જૂથ યોજના હેઠળ પાણીની લાઇન નાખી હતી. ગત તા.-16/04/2024 ના રોજ પાણી પુરવઠા બોર્ડ બધા પાઈપ લાઈનના પેટ્રોલીંગમાં હોય તે દરમિયાન ટંકારાના નેકનામ ગામ નજીક GEBના સબ-સ્ટેશન સામે આવેલ શુભ એન્ટરપ્રાઈઝ તથા એડન પોલીપેક આ બંને કારખાનાની બાજુમાં થી જતી પાઈપ લાઈનમાંથી ફેકટરીના અંગત ઉપયોગ માટે પાણીની લાઈનમાં ગેરકાયદેસર ભંગાણ કરી પાણીની ચોરી કરતા હોવાનું સામે આવ્યું હતું. શુભ એન્ટરપ્રાઇઝ કારખાના તથા એડન પોલીપેક કારખાનાના આ બંને વિરુદ્ધ કોન્ટ્રાકટર ચિરાગભાઈએ ટંકારા પોલીસ મથકમાં ફરિયાદ નોધાવી હતી.