પંજાબ પ્રવાસ દરમિયાન વડાપ્રધાન નરેન્દ્ર મોદી ની સુરક્ષામાં ગંભીર ખામીના મામલામાં હંગામો વધી રહ્યો છે. આ ઘટનાના બે દિવસ બાદ એક વીડિયો સામે આવ્યો છે, જેમાં ભાજપના કાર્યકર્તાઓનું એક જૂથ વડાપ્રધાન મોદીની કારથી થોડાક મીટર દૂર ઊભું જોવા મળે છે. વીડિયોમાં, જૂથ વડાપ્રધાનની કારની નજીક ઊભું જોવા મળે છે. ભાજપ ઝિંદાબાદના નારા લગાવે છે અને હાથમાં ભાજપનો ઝંડો પડકીને સુત્રોચ્ચાર કરે છે. વડાપ્રધાનની બ્લેક ટોયોટા ફોર્ચ્યુનર હાઈવેની બીજી બાજુ પાર્ક કરેલી છે.
વીડિયોમાં કાર ધીમી ગતિએ ચાલે છે અને સ્પેશિયલ પ્રોટેક્શન ટીમ SPGના કર્મચારીઓ વાહનની આસપાસ સુરક્ષા કવચ જાળવી રાખે છે. બુધવારે પંજાબની મુલાકાતે ગયેલા વડાપ્રધાન મોદીની સુરક્ષામાં ગંભીર ક્ષતિની ઘટના બની હતી. જ્યારે કેટલાક વિરોધીઓએ ફિરોઝપુરમાં એક રસ્તો બ્લોક કર્યો હતો. જ્યાંથી તેઓ પસાર થવાના હતા. જેના કારણે વડાપ્રધાન લગભગ 20 મિનિટ સુધી ફ્લાયઓવર પર અટવાયા હતા. જેના કારણે ફિરોઝપુરમાં રેલી સહિત કોઈપણ કાર્યક્રમમાં હાજરી આપ્યા વિના પંજાબથી પરત ફર્યા હતા. આ પછી દેશનું રાજકારણ ગરમાયું હતું. આ જ રેલીમાં જઈ રહેલા ભાજપના કાર્યકરો પણ ટ્રાફિક જામના કારણે અટવાઈ પડ્યા હતા. જ્યારે તેમને ખબર પડી કે વડા પ્રધાનનો કાફલો પણ ફ્લાયઓવર પર છે, ત્યારે તેમણે તેમની કાર પાસે જવાનો પ્રયાસ કર્યો. તે દિવસે વડા પ્રધાનની સુરક્ષામાં મોટી ક્ષતિનું આ બીજું ઉદાહરણ છે.
पीएम की सुरक्षा देश का कर्त्तव्य है और देश की सुरक्षा पीएम की जिम्मेदारी।
— Congress (@INCIndia) January 7, 2022
मगर सवाल ये है कि भाजपा कार्यकर्ताओं को पीएम के इतना नजदीक क्यों आने दिया और अगर आने दिया, तो फिर पंजाब को बदनाम क्यों किया गया?#पंजाब_माफ_नहीं_करेगा pic.twitter.com/mBzWXVKOYy
પંજાબ વિધાનસભાની ચૂંટણી પહેલા જ કેન્દ્રમાં સત્તાધારી પક્ષ ભાજપ અને પંજાબમાં સત્તાધારી પક્ષ કોંગ્રેસ વચ્ચે આ મુદ્દે રાજકીય જંગ શરૂ થઈ ગયો છે. કેન્દ્ર અને પંજાબ સરકારોએ અલગ-અલગ તપાસ કરવાની જાહેરાત કરી છે. કેન્દ્રનો આરોપ છે કે રાજ્ય સરકાર અને પોલીસે વડાપ્રધાનની મુલાકાત સંબંધિત વિગતોને લગતી અનેક સૂચનાઓ છતાં સુરક્ષા પ્રોટોકોલનું ઉલ્લંઘન કર્યું છે. પંજાબ સરકારે આરોપ લગાવ્યો છે કે છેલ્લી ઘડીએ પ્લાન બદલવામાં આવ્યો હતો, જેમાં તેની કોઈ ભૂમિકા ન હતી. વડાપ્રધાન મોદી રેલી સ્થળ પર હેલિકોપ્ટરથી જવાના હતા, પરંતુ ખરાબ હવામાનને કારણે સડક માર્ગે અંતર કાપવાનું નક્કી કરવામાં આવ્યું હતું. કેન્દ્ર સરકારે કહ્યું છે કે રાજ્ય સરકારનો અનેકવાર સંપર્ક કરવામાં આવ્યો હતો. પંજાબ પોલીસ વડા દ્વારા પીએમ મોદીના રૂટને મંજૂરી આપવામાં આવી હતી. વડાપ્રધાનની સુરક્ષામાં ક્ષતિના મામલામાં દાખલ કરવામાં આવેલી અરજી પર સુનાવણી કરતા સુપ્રીમ કોર્ટે વડાપ્રધાનના પ્રવાસના રેકોર્ડને સાચવવા અને સોમવાર સુધી બંને તપાસ અટકાવવાનો આદેશ આપ્યો છે.
