મુંબઈ, શુક્રવાર
રાજકારણી અને બંગાળી ફિલ્મોની અભિનેત્રી નુસરત જહાં ઘણા કારણોસર ચર્ચામાં હતી. ઓગસ્ટ મહિનામાં તેણે એક પુત્રને જન્મ આપ્યો, જેની ચાહકો આતુરતાથી રાહ જોઈ રહ્યા હતા. ચાહકોની નિરાશાને સમજીને, નુસરત જહાંએ આખરે વર્ષ પૂરું થતાં પહેલાં તેના પુત્ર ઈશાનની એક ઝલક બતાવી. નુસરત જહાંએ ઈન્સ્ટાગ્રામ પર એક વીડિયો શેર કર્યો છે, જેમાં તેણે તેના નાના બાળકની તસવીર શેર કરી છે.
ક્રિસમસ પહેલા નુસરતનો આ વીડિયો તેના ફેન્સ માટે એક નાનકડી ટ્રીટ છે. થોડા મહિના પહેલા નુસરત જહાં કલકત્તામાં એક ઈવેન્ટમાં જોવા મળી હતી. આ દરમિયાન, મીડિયાએ પૂછ્યું હતું કે ચાહકો તેમના પુત્રને ક્યારે જોઈ શકશે. તેના જવાબમાં તેણે કહ્યું હતું કે ‘તમારે આ પ્રશ્ન બાળકના પિતાને પૂછવો જોઈએ.’ નુસરત જહાંએ એ પણ જણાવ્યું કે બાળકના પિતા નથી ઈચ્છતા કે આ સમયે કોઈ તેને જુએ.લાંબી રાહ જોયા બાદ આખરે નુસરત જહાંએ બધાની ઈચ્છા પૂરી કરી. નુસરતે ઈન્સ્ટાગ્રામ પર એક કમ્પાઈલેશન વીડિયો શેર કર્યો છે. વીડિયોમાં નુસરત અલગ-અલગ અંદાજમાં જોવા મળી રહી છે. આ સાથે એક ફોટો તેના બાળકનો પણ છે. વીડિયોમાં નુસરતના પુત્ર ઈશાનનો હાથ દેખાઈ રહ્યો છે. વીડિયોમાં કેપ્ચર થયેલી દરેક તસવીર નુસરતના જીવનની વાતો અને વાર્તાઓ કહી રહી છે.
