મુંબઈ, રવિવાર
ટીવીની સૌથી પ્રખ્યાત અભિનેત્રી અંકિતા લોખંડે ટૂંક સમયમાં બોયફ્રેન્ડ વિકી જૈન સાથે લગ્નના બંધનમાં બંધાવા જઈ રહી છે. અંકિતાના લગ્નને લઈને જોરદાર ચર્ચા ચાલી રહી છે. અંકિતા તેના ઇન્સ્ટા હેન્ડલ દ્વારા તેના પ્રી-વેડિંગ સેલિબ્રેશનની તસવીરો તેના ચાહકો સાથે શેર કરી રહી છે. હવે અભિનેત્રીના લગ્નના આમંત્રણ કાર્ડનો વીડિયો સોશિયલ મીડિયા પર વાયરલ થઈ રહ્યો છે.
વીડિયોમાં તમે જોઈ શકો છો કે અંકિતા અને વિક્કી જૈનના લગ્નનું આમંત્રણ કાર્ડ રોયલ બ્લુ કલરનું છે, જે બોક્સના આકારમાં છે. બોક્સની ઉપર અંકિતા અને તેના બોયફ્રેન્ડનું નામ લખેલું છે. બૉક્સની અંદર રાખેલા કાર્ડમાં યુગલના લગ્નની તમામ વિગતો હાજર છે.લગ્નના કાર્ડમાં લગ્ન સ્થળ પણ જાહેર કરવામાં આવ્યું છે. અંકિતા અને વિકીના લગ્ન ગ્રાન્ડ હયાતમાં થશે. લગ્ન કયા દિવસે છે તે જાહેર કરવામાં આવ્યું નથી, પરંતુ એ વાત ચોક્કસ છે કે અંકિતા અને વિકી ડિસેમ્બરમાં લગ્ન કરશે.અંકિતાએ તેના લગ્નની ઉજવણી ઘણા સમય પહેલા શરૂ કરી દીધી હતી. અભિનેત્રી થોડા સમય પહેલા તેની ગર્લ ગેંગ સાથે બેચલર પાર્ટી માણતી જોવા મળી હતી. તેની બેચલર પાર્ટીમાં અભિનેત્રીએ જોરદાર ડાન્સ કર્યો અને કેક પણ કાપી. અભિનેત્રીની બેચલર પાર્ટીના વિડીયો અને ફોટાએ ઇન્ટરનેટ પર ઘણી ધૂમ મચાવી હતી.
