મોરબીના ખાટકી પરાના નાકા પાસે રહેતા અને મૂળ એમપીના વતની અનિલભાઇ ભુડાભાઇ કટારાનો દીકરો આશીષ ઉ.વ.11 માસ વાળો ગત તા.-26/05/2025ના રોજ પાનેલી ગામે આવેલ જી.આઇ.ડી.સી.માં પાણીના ટાકા પાસે રમતો હતો. ત્યારે GJ-36-X-5031 નંબરના બોલેરો ચાલકે તેની ગાડી પુરઝડપે અને બેફીકરાયથી ગફલતભરી રીતે અને માણસોની જીંદથી જોખમાય તે રીતે ચલાવી જઈ આશિષને હડફેટે લેતા માથાના ભાગે ગંભીર ઇજાઓ પહોચતા તેનું ઘટના સ્થળે જ કમકમાટી ભર્યું મોત નીપજ્યું હતું. આ બનાવ અંગે બાળકના પિતા અનીલભાઈએ મોરબી તાલુકા પોલીસ મથકમાં બોલેરો કારના ચાલક વિરુદ્ધ ફરિયાદ નોધાવતા પોલીસે ફરિયાદ આધારે બોલેરોના ચાલક વિરુદ્ધ ગુનો નોધી આગળની કાર્યવાહી હાથ ધરી છે.