મોરબી એલસીબી ટીમ પેટ્રોલીંગમાં હોય તે દરમિયાન સંયુક્ત રાહે બાતમી મળી કે, મોરબી-માળિયા નેશનલ હાઈવે પર RJ-21-GD-0930 નંબરનો ટ્રક ઉભેલ હોય જે ટ્રકમાં રાજસ્થાનથી આવતી સફેદ માટીની આડમાં વિદેશી દારૂ બીયરનો જથ્થો ભરેલ હોય તેવી ચોક્કસ બાતમી મળી હતી. આ બાતમીના આધારે પોલીસે તે સ્થળે પહોચી ટ્રક ચેક કરતા તેમાંથી 112 બીયર ટીન, 1 મોબાઈલ ફોન, અન્ય મુદામાલ તેમજ ટ્રક સહીત કુલ રૂ.- 30,17,992નો મળેલ મુદામાલ પોલીસે કબ્જે કર્યો હતો. તેમજ આ મુદામાલ સાથે આરોપી રાજેન્દ્ર કાનારામભાઈ બાંગળાને પોલીસે પકડી લઇ તેની સામે પ્રોહીબીશન એક્ટ હેઠળ ગુનો નોધી કાયદેસરની કાર્યવાહી હાથ ધરી છે.