મોરબી મહાનગરપાલિકાની સોલિડ મેનેજમેન્ટ વેસ્ટ શાખા દ્વારા શહેરમાં પ્રતિબંધિત પ્લાસ્ટિક બંધ કરવા અને ગંદકી કરતા આસામીઓ સામે દંડની કાર્યવાહી કરવામાં આવી રહી છે. જેના ભાગરૂપે ગત તારીખ 6 મેથી 11 મે દરમ્યાન શહેરના અલગ અલગ વિસ્તારમાંથી કુલ 71 આસામીઓને પ્રતિબંધિત પ્લાસ્ટિકનો ઉપયોગ કરવા માટે રૂ. 32,300 નો દંડ ફટકાર્યો હતો. આ ઉપરાંત 26 જેટલા આસામીઓને જાહેરમાં ગંદકી કરવા માટે 7500 નો દંડ ફટકારવા ન આવ્યો હતો.
આ ઉપરાંત જાહેરમાં કચરો સળગાવવા માટે ત્રણ આસામીઓને ₹1600 તેમજ જાહેરમાં લઘુ શંકા કરતા એક વ્યક્તિને ₹100 નો દંડ કરવામાં આવ્યો હતો. મહાનગરપાલિકાના ડેપ્યુટી કમિશનર દ્વારા જાહેરમાં ગંદકી ન કરવા તેમજ પ્રતિબંધિત પ્લાસ્ટિકનો ઉપયોગ ન કરવા જાહેરમાં કચરો ન સળગાવવા અને શહેરની સ્વચ્છતા જાળવવા માટે લોકોને અપીલ કરી છે નિયમ ભંગ કરનાર સામે દંડનીય કાર્યવાહી કરવાની પણ તાકીદ કરવામાં આવી છે.
