મોરબી તાલુકાના માણેકવાડા ગામમાં પ્રાથમિક શાળા અને મોટી વાવડી સ્કૂલના સંયુક્ત ઉપક્રમે કન્યા કેળવણી મહોત્સવ અને શાળા પ્રવેશોત્સવ યોજાયો હતો. આ પ્રવેશ ઉત્સવમાં આંગણવાડી, બાલવાટિકા તેમજ ધોરણ ૧ ના વિદ્યાર્થીઓને શૈક્ષણિક કીટ વિતરણ કરી શાળા પ્રવેશ આપવામાં આવ્યો હતો. સાથે ગત શૈક્ષણિક વર્ષના ધોરણ 3 થી 8 માં પ્રથમ ક્રમાંક મેળવનાર વિદ્યાર્થીઓ તેમજ હાજરીમાં પ્રથમ, સ્પર્ધાત્મક પરીક્ષામાં ઉત્તમ દેખાવ કરનાર વિદ્યાર્થીઓને પ્રોત્સાહીત કરવામાં આવ્યા અને દાતા રતિભાઈ દેત્રોજા અને વિપુલભાઈ ગોધવિયાનું સન્માન કરવામાં આવ્યું હતું.
આ કાર્યક્રમમાં મોરબી પ્રાંત અધિકારી સુશીલકુમાર પરમાર, તાલુકા પંચાયત પ્રમુખ અશોકભાઈ દેસાઈ, સી.આર.સી.કો. ઓ . ઉમેશભાઈ પટેલ, ગામના સરપંચ બ્રિજરાજસિંહ જાડેજા, ડૉ . બોરસાનીયા સાહેબ, (આયુર્વેદિક દવાખાનું)ગામના આગેવાનો, એસ.એમ.સી. સભ્યો,આરોગ્ય કર્મચારી, મ.ભો.યો.સ્ટાફ,શિક્ષકો, વિદ્યાર્થીઓ અને મોટી સંખ્યામાં ગ્રામજનો ઉપસ્થિત રહ્યા હતા. કાર્યક્રમના અંતે મહેમાનો દ્વારા વૃક્ષારોપણ તેમજ શાળા નિરીક્ષણ કરવામાં આવ્યું હતું.
