અમદાવાદમાં સારંગપુર પાણાની ટાંકી પાસેથી જાહેરમાં Md ડ્રગ્સ સાથે કાલુપુર પોલીસે એક આરોપીની ધરપકડ કરી હતી. પોલીસને આ વ્યક્તિ પાસે રહેલી બેગમાંથી 83.610 ગ્રામ એમડી ડ્રગ્સ મળી આવ્યું હતું. કાલુપુરથી સારંગપુર તરફ વાહનોનું ચેકિંગ ચાલી રહ્યું હતું. આ દરમિયાન એક વ્યક્તિ પોલીસને જોઈને ભાગવાનો પ્રયાસ કરતાં પોલીસે તેને દબોચી લીધો હતો.
ડ્રગ મળ્યું: તેની પાસે રહેલી બેગમાંથી 80 ગ્રામથી વધુ Md ડ્રગ્સ મળી આવ્યું હતું અને તેની બજાર કિંમત 8 લાખ 36 હજારથી વધુ થાય છે. આ આરોપીની વધુ તપાસ પી.આઈ.ડીબી ડાભી શહેરકોટડા પોલીસ સ્ટેશન કરશે.
કોણ છે આ: વ્યક્તિની પુછપરછ કરતાં તેનું નામ ગણપત બિશ્નોઈ અને તે રાજસ્થાનનો હોવાનું જણાવ્યું હતું. બિશ્નોઈ રાજસ્થાનના બાડમેરથી ડ્રગ્સનો જથ્થો લઈને આવ્યો હતો. તપાસ દરમિયાન 2 આરોપીના નામ સામે આવ્યા છે જેમાં એક આરોપી રાજસ્થાન અને બીજો આરોપી ગુજરાતનો રહેવાસી હોવાનું સામે આવ્યું છે. તે સિવાય આ વ્યક્તિની પોલીસે વધુ પુછપરછ પણ હાથ ધરવામાં આવી છે.
