ઈન્ડિયન પ્રીમિયર લીગની 15મી સિઝન પહેલા તમામ ટીમે મેગા ઓક્શનની તૈયારીઓ શરૂ કરી દીધી છે. દરેક ટીમે પોતાના મનપસંદ ખેલાડીઓની યાદી લગભગ તૈયાર કરી લીધી છે. ભૂતપૂર્વ ક્રિકેટર આકાશ ચોપરાનું માનવું છે કે ભારતીય ઝડપી બોલર દીપક ચહર આ વખતે સૌથી મોંઘો બોલર બની શકે છે. તમામ ટીમની નજર તેના પર છે અને ઊંચી બોલીની અપેક્ષા એના માટે રાખવામાં આવશે.
દીપક પ્રથમ ત્રણ ઓવર માટે તમારો ભરોસાપાત્ર બોલર છે. તે આવશે અને પાવરપ્લેમાં તમારા માટે વિકેટ લેશે. આનાથી વધુ સારું કંઈ થવાનું નથી. તે વિરોધી ટીમની કમર તોડી નાખે છે. ડેથ ઓવરોમાં પણ તે ઠીક છે. હા, તે એટલો સારો પણ નથી પરંતુ તેના પર કામ કરી શકાય છે. મને લાગે છે કે CSK તેના માટે ફરી પ્રયાસ કરશે. અમદાવાદ અને લખનૌની ટીમો ચોક્કસપણે પ્રયાસ કરશે. તેના બદલે, દરેક ફ્રેન્ચાઇઝી ચોક્કસપણે તેને તેમની ટીમમાં લાવવાનો પ્રયાસ કરશે. હવે તેણે ઘણી સારી બેટિંગ પણ શરૂ કરી છે.
