રાજ્યમાં છેલ્લા ઘણા સમયથી દુષકર્મના બનાવોમાં વધારો થઈ રહ્યો છે. સુરતમાં આવા આરોપીઓને ફાંસીની સજા સંભળાવવામાં આવી રહી છે. ત્યારે રાજકોટમાં એક 8 વર્ષની બાળકી ઉપર દુષ્કર્મની ઘટના સામે આવી છે.
અમારા ફેસબુક પેજને લાઈક કરવા માટે અહીં ક્લિક કરો
આ અંગેની જાણવા મળતી વિગત પ્રમાણે કુવાડવા રોડ ઉપર આવેલા નવાગામમાં રહેતી એક 8 વર્ષની બાળકી તેની ઘરની નજીકમાં આવેલી દુકાને કપડા ધોવાનો પાઉડર લેવા માટે ગઈ હતી. ત્યાં વેપારીનો સગીર પુત્રએ 8 વર્ષની બાળકીનો હાથ પકડીને દુકાનમાં લઈ જઈને તેના ઉપર દુષ્કર્મ ગુજાર્યું હતું.
તેમજ બાળકીને જાનથી મારી નાંખવાની ધમકી આપી હતી. ધમકીથી ડરી જઈને બાળકીએ પરિવારને આ બનાવ અંગેની કોઈ જાણ કરી ન હતી. સગીરા ઘરમાં રડવા લાગતા તેની માતાએ તેને પુછતા તેણીએ સમગ્ર બનાવની વાત કહી હતી. ત્યારબાદ આ અંગેની ફરિયાદ કુવાડવા પોલીસ સ્ટેશનમાં ફરિયાદ નોંધાવતા પોલીસે સગીરની અટક કરી આગળની કાર્યવાહી હાથ ધરી છે.
