મોરબી સિટી એ ડિવિઝન પોલીસની ટીમ નાઈટ પેટ્રોલિંગ દરમિયાન શહેરના લાતી પ્લોટના ખૂણે તપાસમાં હતી. તે દરમિયાન તોફીકભાઈ ઉર્ફે ડોડવો દાઉદભાઈ ચાનિયા (ઉંમર 36 વર્ષ) પોતાના રહેણાંક મકાનમાં વિદેશી દારૂનો જથ્થો વેચાણના હેતુથી રાખી હોવાનું સામે આવ્યું હતું. પોલીસે આરોપીના કબજામાંથી વિદેશી દારૂની ચપલાની 18 નંગ બોટલ, જેની કિંમત રૂ. 1800નો મુદ્દામાલ કબજે કરી આરોપીની ધરપકડ કરી હતી. પૂછપરછ દરમિયાન આ દારૂના જથ્થા મામલે અન્ય એક શખ્સ ઈકબાલ જુસબભાઈ કટીયા (રહે. મચ્છીપીઠ, મોરબી)નું નામ બહાર આવ્યું હતું.
આ મામલે પોલીસે બંને ઈસમો વિરુદ્ધ પ્રોહિબિશન એક્ટ હેઠળ ગુનો નોંધી આગળની કાયદેસરની કાર્યવાહી હાથ ધરી છે.
