મોરબી એલ.સી.બી. તેમજ પેરોલ-ફર્લો સ્ક્વોડનો સ્ટાફ મોરબી સિટી બી-ડિવિઝન પોલીસ સ્ટેશન વિસ્તારમાં પેટ્રોલિંગ દરમિયાન હોય ત્યારે સ્ટાફને સંયુક્ત રીતે ખાનગી માહિતી મળી કે, સતીષ ઉર્ફે રઘુ તેજાભાઈ સરાણીયા, રહે. મોરબી-વાંકાનેર નેશનલ હાઇવે રોડ પર રિઝન્ટા હોટલ પાસે સરાણીયાના ઝુપડાવાળા વિસ્તારમાં પોતાના રહેણાંક મકાનમાં ગેરકાયદેસર રીતે ઇંગ્લિશ દારૂનો જથ્થો રાખી વેચાણ કરી રહ્યો છે.
આ માહિતીના આધારે પોલીસ દ્વારા રેઇડ કરવામાં આવી. રેઇડ દરમિયાન આરોપીના મકાનની ઓરડીમાંથી ઇંગ્લિશ દારૂની નાની-મોટી 450 બોટલો, કિંમત રૂ. 1,74,460 તથા 96 બીયરના ટીન, કિંમત રૂ. 21,120 મળી આવ્યા. આમ કુલ રૂ. 1,95,580નો મુદ્દામાલ જપ્ત કરવામાં આવ્યો.
આ મામલે મોરબી સિટી બી-ડિવિઝન પોલીસ સ્ટેશનમાં આરોપી સતીષ ઉર્ફે રઘુ તેજાભાઈ સરાણીયા વિરુદ્ધ પ્રોહિબિશન અધિનિયમ હેઠળ ગુનો નોંધવામાં આવ્યો છે અને આગળની કાયદેસરની કાર્યવાહી હાથ ધરવામાં આવી રહી છે.
