મોરબી તાલુકાના ટીબડી ગામના પાટીયા નજીક એક અજાણ્યા ટ્રક ચાલકે પોતાનો ટ્રક પૂરઝડપે અને બેદરકારીપૂર્વક ચલાવી ફરિયાદી રણજીતભાઈના ભાઈ પરેશકુમાર માણસુરભાઈ હેરમા, જે પોતાનું સ્પ્લેન્ડર પ્લસ બાઈક (રજી. નં. GJ-14-AH-9101) પર જઈ રહ્યા હતા, ત્યારે ટ્રકે બાઈકને ટક્કર મારી હતી. અકસ્માતમાં પરેશકુમારને માથા તથા શરીરના અન્ય ભાગોમાં ગંભીર ઈજાઓ થતાં તેમનું સ્થળ પર જ મૃત્યુ નિપજ્યું હતું. આ બનાવ અંગે મૃતકના ભાઈએ મોરબી તાલુકા પોલીસ મથકમાં તે અજાણ્યો ટ્રક ચાલક સામે ફરિયાદ નોંધાવી છે.