મોરબી જિલ્લામાં સતત વરસી રહેલા વરસાદને કારણે તમામ ડેમમાં પાણીની ચિક્કાર આવક થઈ રહી છે જેના કારણે ડેમના દરવાજા ખોલવા પડ્યાં છે. મોરબી જિલ્લાના સૌથી મોટા ડેમ એવા મચ્છુ 2 ડેમમાં સતત પાણીની આવક વધી રહી છે. ગત રાત્રીના ડેમના ચાર દરવાજા 4 ફૂટ ખોલ્યા બાદ પણ ઉપરવાસમાં પાણીનો પ્રવાહ વધ્યાં 6 દરવાજા અને બાદ રાત્રે કુલ 12 દરવાજા ખોલ્યા બાદ બીજા દિવસે સવારે પણ ડેમના દરવાજા ખોલવાની જરૂર પડતાં 10 ગેટ 15 ફૂટ અને 12 દરવાજા 7 ફૂટ એમ કુલ 30 દરવાજા ખોલી દેવામાં આવતા કુલ 2,49,677 ક્યુસેક પાણી છોડવામાં આવ્યું હતું.
મચ્છ-2 ડેમના 30 દરવાજા ખોલવાના કારણે મચ્છુ નદી બે કાંઠે વહેતી થઈ હતી. જેના કારણે શહેરના નીચાણવાળા વિસ્તારોને એલર્ટ કરવામાં આવ્યા છે.
