Wednesday, June 12, 2024
HomeNationalજમ્મુકાશ્મીરમાં ચુંટણી ક્યારે યોજાશે સુપ્રીમ કોર્ટનો કેન્દ્રને સવાલ ,ગમે તે સમયે ચૂંટણી...

જમ્મુકાશ્મીરમાં ચુંટણી ક્યારે યોજાશે સુપ્રીમ કોર્ટનો કેન્દ્રને સવાલ ,ગમે તે સમયે ચૂંટણી કરવા તૈયાર હોવાનો કેન્દ્રનો દાવો

જમ્મુ-કાશ્મીરમાંથી કલમ 370 નાબૂદ કરવા વિરુદ્ધ દાખલ કરવામાં આવેલી અરજીઓ પર સુપ્રીમ કોર્ટ ગુરુવારે 13માં દિવસે સુનાવણી કરી રહી છે. કેન્દ્ર સરકાર વતી એસજી તુષાર મહેતાએ સુપ્રીમ કોર્ટમાં કહ્યું- અમે કેન્દ્રશાસિત પ્રદેશમાં ગમે ત્યારે ચૂંટણી કરાવવા માટે તૈયાર છીએ, પરંતુ પંચાયત ચૂંટણી પહેલા કરાવવામાં આવશે.

29 ઓગસ્ટના રોજ યોજાયેલી 12મી દિવસની સુનાવણીમાં સુપ્રીમ કોર્ટે કેન્દ્ર સરકારને પૂછ્યું હતું કે જમ્મુ અને કાશ્મીર કયા સમયમાં ફરીથી રાજ્યનો દરજ્જો મેળવી શકશે. આ અંગે કેન્દ્ર દ્વારા આજે આ જવાબ આપવામાં આવ્યો હતો. કેન્દ્ર સરકારના એસજીએ કહ્યું કે ચૂંટણી પંચ આ અંગે ટૂંક સમયમાં નિર્ણય લેશે.

છેલ્લી સુનાવણીમાં સોલિસિટર જનરલ તુષાર મહેતાએ કેન્દ્ર વતી સુપ્રીમ કોર્ટને કહ્યું હતું કે તેઓ ગુરુવારે આ સંદર્ભમાં સકારાત્મક નિવેદન આપશે. આ દરમિયાન તેણે કોર્ટને કહ્યું કે જમ્મુ-કાશ્મીરને અસ્થાયી રૂપે બે કેન્દ્રશાસિત પ્રદેશો (જમ્મુ-કાશ્મીર અને લદ્દાખ)માં વહેંચવામાં આવ્યું છે. લદ્દાખ કેન્દ્રશાસિત પ્રદેશ રહેશે, પરંતુ જમ્મુ-કાશ્મીરને ટૂંક સમયમાં ફરીથી રાજ્ય બનાવવામાં આવશે.

સુપ્રીમ કોર્ટે કહ્યું હતું કે તે રાષ્ટ્રીય હિતમાં જમ્મુ અને કાશ્મીરને બે અલગ કેન્દ્રશાસિત પ્રદેશોમાં વિભાજીત કરવાના કેન્દ્રના નિર્ણયને સ્વીકારવા ઈચ્છુક છે. કોર્ટે કેન્દ્રને પૂછ્યું કે જમ્મુ-કાશ્મીરને કેન્દ્રશાસિત પ્રદેશ બનાવવાનું પગલું કેટલું અસ્થાયી છે અને તેને ફરીથી રાજ્યનો દરજ્જો આપવા માટે સમયમર્યાદા વિશે માહિતી આપો. એ પણ જણાવો કે ત્યાં ચૂંટણી ક્યારે થશે.

Advertisement
Advertisement
RELATED ARTICLES

Connected us

21,450FansLike
42,307FollowersFollow
1,360SubscribersSubscribe

TRENDING NOW