મોરબી જીલ્લાની કલેકટર કચેરી ની અલગ અલગ શાખા જેમાં મામલતદાર કચેરી, પ્રાંત કચેરી, પુરવઠા વિભાગ, સ્થાનિક સ્વરાજ્ય ચૂંટણી સહિતના વિભાગમાં લાંબા સમયથી ફરજ બજાવતા ડે મામલતદારની બદલી કરવા મહેસુલ વિભાગમાંથી સુચના આપવામાં આવી હતી. જોકે મોરબી જીલ્લા કલેકટર દ્વારા એક ચોક્કસ આગેવાનના ઈશારે તેની મન મરજી મુજબ બદલીના ઓર્ડર કરાવતા વિરોધનો સુર ઉઠ્યો હતો અને આ અંગેની ફરિયાદ છેક ગાંધીનગર સુધી થઇ હતી અને મોરબી જીલ્લાના પ્રભારી મંત્રી પ્રફુલભાઈ પાનસેરીયા દ્વારા બદલી ઓર્ડર પર રોક લગાવી દીધી હતી અને સુધારા સાથે નવો ઓર્ડર કરવા સુચનાં આપી હતી અને તેના કારણે આ બદલી ઘોચમાં પડી ગઈ હતી અંતે જીલ્લા કલેકટર દ્વારા લાંબા સમયથી પેન્ડીગ પડેલા ઓર્ડર પર સહી કરી છે અને જીલ્લાના ૧૯ નાયબ મામલતદારની બદલીના ઓર્ડર કરવામાં આવ્યો છે