મોરબી જીલ્લામાં મેઘરાજાની ધમાકેદાર એન્ટ્રી થયા બાદ સતત બે દિવસથી સાર્વત્રિક વરસાદ વરસી રહ્યો છે ત્યારે ગુરુવારે રાત્રે મોરબીમાં ફરી એકવાર વરસાદ વરસવાનું શરુ થયું હતું અને એક રાતમાં ;લગભગ 81 મીમી વરસાદ વરસી ગયો હતો જેના કારણે મોરબી શહેરમાં ફરી એકવાર પાણી પાણી થઇ ગયું હતું મોરબી શહેરનું આ પાણી મચ્છુ નદીમાં ઠલવાતા મચ્છુ 3 ડેમમાં 1676 કયુસેક પાણીની આવક થઇ હતી અને તેના કારણે ડેમના દરવાજા ખોલી નદીમાં છોડવાની ફરજ પડી હતી જે બાદ સિંચાઈ વિભાગ દ્વારા શુક્રવારે મચ્છુ ૩ ડેમના દરવાજા 2 ફૂટ ખોલવામાં આવ્યું હતું.
જેના કારણે મચ્છુ નદીના હેઠવાસમાં આવતા મોરબી તાલુકાના 11 અને માળિયા તાલુકાના 8 ગામ તેમજ માળિયા મિયાણા શહેરને એલર્ટ કરવામાં આવ્યા છે અને ગામ લોકોને નદીના પટમાં ન અવર જવર ન કરવા જણાવ્યું હતું.
