મોરબીની એલ.ઈ.કોલેજના પટેલ સોશિયલ ગ્રુપ દ્વારા નિયમિત પણે વિવિધ સેવાકીય અને સામાજિક પ્રવૃતિઓનું આયોજન થતું હોય છે ત્યારે મોરબીની જનતા વાંચનાભિમુખ બને અને વાંચનપ્રેમીઓની જ્ઞાનક્ષુધા સંતોષાય એ હેતુથી લાઈબ્રેરી અને બુકબેન્કનું નિર્માણ થયું છે. આ સંદર્ભે આજે વર્ષના પ્રથમ દિવસે જ ટ્રસ્ટીગણ અને વિધાર્થી મંડળની મિટિંગ મળી હતી.
આ અંગેની પ્રાપ્ત વિગતો અનુસાર સર્કિટ હાઉસની બાજુમાં ૩૫૦૦ સ્કવેર ફિટમાં લાઈબ્રેરી અને બુકબેન્કનું નિર્માણ થયું છે. અને તેમાં આવનારા સમયમાં GPSC,UPSC ના વર્ગો પણ ચાલુ કરવામાં આવશે. આ સમગ્ર આયોજન સંદર્ભે આજે પટેલ સોશિયલ ગ્રુપ, કોલેજના ટ્રસ્ટીગણ અને વિધાર્થી મંડળની મિટિંગ મળી હતી. જેમાં આગામી પ્રકલ્પોની ચર્ચા અને આયોજન અંગેનો ચિતાર આપવામાં આવ્યો હતો.
